काठमाडौं । ट्रान्क्यूलिटी स्पा र जुम्बा इन्स्ट्रक्टर्स नेटवर्क (जिन) नेपालको सहकार्यमा ‘स्प्रिङ जुम्बा फेष्ट’ शनिबार काठमाडौंमा सफलतापूर्वक सम्पन्न भएको छ। रोयाल ट्यूलिप काठमाडौं हस्पिट्यालिटी पार्टनर रहेको उक्त कार्यक्रममा देशभरका करिब ४०० फिटनेसप्रेमी तथा लाइसेन्स प्राप्त जुम्बा प्रशिक्षकहरूको सहभागिता रहेको थियो।

बिहान ८ बजेदेखि सुरु भएको कार्यक्रममा जुम्बा नृत्य, डिटक्स तथा तनाव व्यवस्थापनसम्बन्धी गतिविधिहरू सञ्चालन गरिएको थियो। यसले सहभागीहरूलाई स्वस्थ जीवनशैली अपनाउन प्रेरित गर्ने उद्देश्य राखिएको आयोजकहरूले बताएका छन्।

जिन नेपालले हाल देशभर ५० भन्दा बढी लाइसेन्स प्राप्त प्रशिक्षकहरूलाई समेट्दै फिटनेस समुदाय विस्तारमा सक्रिय भूमिका खेलिरहेको छ।

कार्यक्रममा ट्रान्क्यूलिटी स्पाका मानव संसाधन तथा वित्त अधिकृत तथा जिन नेपालको सदस्य निशा श्रेष्ठले यस्ता कार्यक्रमहरूले स्वस्थ र सक्रिय जीवनशैली अपनाउन प्रेरणा दिने बताउँदै सहकार्य गर्न पाएकोमा खुशी व्यक्त गरिन्।

आयोजकका अनुसार आगामी बैशाख १८ गते शुक्रबार द सोल्टी काठमाडौंस्थित ट्रान्क्यूलिटी स्पामा जुम्बा प्रशिक्षक तालिम आयोजना गरिनेछ। साथै, ट्रान्क्यूलिटी स्पा र जिन नेपालबीच वेलनेस संस्कृति प्रवर्द्धनका लागि आगामी दिनहरूमा पनि सहकार्य जारी रहनेछ।