नेप्सेले योग्य संस्थागत लगानीकर्ताको दर्ता तथा नवीकरण खुलायो, बुक बिल्डिङमा सहभागी हुन आह्वान
Monday May 04, 2026
वि.सं.२०८३ वैशाख २१ सोमवार २०:१०
काठमाडौँ । नेपाल स्टक एक्सचेञ्ज (नेप्से) ले योग्य संस्थागत लगानीकर्ताहरूको दर्ता तथा नवीकरणसम्बन्धी सूचना जारी गरेको छ।
नेपाल धितोपत्र बोर्डबाट अनुमतिपत्र प्राप्त गरेका योग्य संस्थागत लगानीकर्ताहरूलाई बुक बिल्डिङ विधिमा सहभागी हुनका लागि यथाशीघ्र नेप्सेमा दर्ता गराउन आह्वान गरिएको छ।
सूचनाअनुसार नयाँ दर्ताका लागि १० हजार रुपैयाँ शुल्क तोकिएको छ भने वार्षिक नवीकरण शुल्क ५ हजार रुपैयाँ निर्धारण गरिएको छ।
दर्ता तथा नवीकरणका लागि आवश्यक रकम ग्लोबल आइएमई बैंक लिमिटेडको कमलादीस्थित नेप्से अपरेटिङ खातामा जम्मा गर्नुपर्नेछ। रकम जम्मा गरेपछि बैंक भौचर नेप्सेमा पठाउनुपर्ने व्यवस्था गरिएको नेप्सेले जनाएको छ।
