काठमाडौं । भुजुङ्ग हाईड्रोपावर लिमिटेडको चौथो वार्षिक साधारणसभा काठमाडौं महानगरपालिका–१०, बालुवाटारस्थित आम्रपाली ब्याङ्क्वेट क्याटरिङ एण्ड इभेन्टमा सम्पन्न भएको छ।

साधारणसभाले कम्पनीको सञ्चालक समितिमा संस्थापक शेयरधनीको तर्फबाट माधवराज आचार्य, डा. हिमाल भट्टराई, राजेश्वर दुवाल, टंकप्रसाद सुवेदी तथा सन्तोष श्रेष्ठलाई निर्वाचित गरेको छ। त्यसैगरी सर्वसाधारण शेयरधनीको तर्फबाट जेलिना श्रेष्ठ निर्वाचित भएकी छन् भने स्वतन्त्र सञ्चालकमा रीता गौतमलाई मनोनयन गरिएको कम्पनीले जनाएको छ।

सभामा कम्पनीको वार्षिक प्रतिवेदन, आर्थिक विवरण, भावी योजना तथा विभिन्न प्रस्तावहरूमाथि छलफल गरी पारित गरिएको थियो। साथै शेयरधनीहरूबीच कम्पनीको भावी रणनीति, लगानी विस्तार तथा विकासका विषयमा सकारात्मक अन्तरक्रिया समेत भएको जनाइएको छ।

कम्पनीले नवनिर्वाचित सम्पूर्ण सञ्चालकहरूलाई बधाई तथा सफल कार्यकालको शुभकामना व्यक्त गरेको छ।

भुजुङ्ग हाईड्रोपावर लिमिटेडको केन्द्रीय कार्यालय काठमाडौंको टोखा–१० मा रहेको छ। कम्पनीले ऊर्जा क्षेत्रको विकास तथा उत्पादन क्षमताको विस्तारमा निरन्तर काम गरिरहेको जनाएको छ।