काठमाडौं । नेपालका लागि होण्डा कारको आधिकारिक वितरक स्याकार ट्रेडिङ्ग कम्पनी प्रा.लि.ले ग्राहकको सुरक्षालाई प्राथमिकतामा राख्दै पुराना होण्डा कारका लागि निःशुल्क ‘एयरब्याग सेफ्टी रिकल’ अभियान सञ्चालन गरेको जनाएको छ।

कम्पनीका अनुसार सन् २००१ देखि २०१४ सम्म निर्माण भएका केही होण्डा कारका मोडेलमा एयरब्याग इन्फ्लेटरमा देखिन सक्ने सम्भावित जोखिमलाई मध्यनजर गर्दै यो अभियान सञ्चालन गरिएको हो।

यस अभियानअन्तर्गत Honda City, Honda Civic, Honda CR-V, Honda Jazz, Honda Insight, Honda Stream र Honda Accord मोडेलका प्रभावित गाडीहरूको एयरब्याग परीक्षण गरिनेछ। आवश्यक परे एयरब्याग इन्फ्लेटर पूर्ण रूपमा निःशुल्क परिवर्तन गरिने कम्पनीले जनाएको छ। यसका लागि ग्राहकले कुनै पनि शुल्क तिर्नुपर्ने छैन।

आफ्नो गाडी रिकल अभियानमा पर्छ वा पर्दैन भन्ने जानकारी ग्राहकले होण्डाको आधिकारिक वेबसाइटमार्फत जाँच गर्न सक्नेछन्। साथै, सम्भावित जोखिमबाट बच्न नजिकको होण्डाको आधिकारिक सर्भिस सेन्टरमा सम्पर्क गरी एयरब्याग परीक्षण गराउन कम्पनीले आग्रह गरेको छ।

सर्भिस बुकिङ तथा थप जानकारीका लागि कम्पनीले उपलब्ध गराएका सम्पर्क नम्बर वा इमेलमार्फत सम्पर्क गर्न सकिने जनाएको छ।