काठमाडौं । भारतको अग्रणी विद्युतीय स्कुटर ब्रान्ड एम्पियर इलेक्ट्रिक (Ampere Electric) ले सर्लाहीको मलंगवामा आफ्नो आधिकारिक बिक्री तथा सेवा केन्द्र सञ्चालनमा ल्याएको छ।

नेपालका लागि एम्पियरको आधिकारिक वितरक एसटीसी अटो सोलुसन प्रालिले मलंगवाको राजर्षि चोकस्थित बी.एम. ईभी हबलाई आधिकारिक बिक्री तथा सेवा केन्द्रका रूपमा नियुक्त गरेको जनाएको छ। नयाँ शोरुमबाट ग्राहकहरूले स्कुटर अवलोकन, टेस्ट राइड, खरिद तथा बिक्रीपछिको सेवा (आफ्टर सेल्स सर्भिस) एकै स्थानबाट प्राप्त गर्न सक्नेछन्।

कम्पनीका अनुसार ग्रिभ्स इलेक्ट्रिक मोबिलिटी (Greaves Electric Mobility) अन्तर्गत उत्पादन हुने एम्पियरले नेपालका विभिन्न क्षेत्रमा आफ्नो बजार विस्तार गर्दै आएको छ। एसटीसी अटो सोलुसनसँगको सहकार्यमार्फत गुणस्तरीय विद्युतीय सवारी, भरपर्दो बिक्रीपछिको सेवा र उत्कृष्ट ग्राहक अनुभव प्रदान गर्ने लक्ष्य राखिएको कम्पनीले जनाएको छ।

एम्पियर स्कुटरमा प्रयोग गरिएको लिथियम फेरो फस्फेट (LFP) ब्याट्री सुरक्षित, टिकाउ र लामो आयु भएको दाबी गरिएको छ। कम्पनीका अनुसार उक्त ब्याट्री माइनस ४० डिग्री सेल्सियसदेखि ६० डिग्री सेल्सियससम्मको तापक्रममा परीक्षण गरिएको छ। साथै ब्याट्रीमा ५ वर्ष वा ७५ हजार किलोमिटरसम्मको वारेन्टी उपलब्ध गराइएको छ।

हाल नेपाली बजारमा Ampere Nexus EX को मूल्य ३ लाख ३५ हजार रुपैयाँ, Ampere Nexus EX+ को ३ लाख ४५ हजार रुपैयाँ तथा Ampere Magnus G Max को ३ लाख १५ हजार रुपैयाँ निर्धारण गरिएको कम्पनीले जनाएको छ।

कम्पनीका अनुसार मलंगवामा आधिकारिक बिक्री तथा सेवा केन्द्र सञ्चालनसँगै उदाउँदा बजारहरूमा वातावरणमैत्री तथा दिगो यातायातको पहुँच विस्तार गर्ने अभियानलाई थप सुदृढ बनाइनेछ।