गरिमा क्यापिटल लिमिटेडले विश्व लगानीकर्ता सप्ताह २०२४ (वल्र्ड इन्भेस्टर वीक) अन्तर्गत १ दिने पूँजी बजार साक्षरता कार्यक्रम (क्यापिटल मार्केट लिटरेसी) सम्पन्न गरेको छ ।

गरिमा क्यापिटले आइतबार नवलपरासीको देवचुली– ५ र १५ का लगानीकर्ता तथा सर्वसाधारणहरुलाई पूँजी बजार बारे सूचित गराउने उद्देश्यले सकला देवी माध्यमिक विद्यालय र जनज्योति आदर्श बहुमुखी क्याम्पसमा एक दिने पूँजी बजार साक्षरता कार्यक्रम सम्पन्न गरेको हो ।

उक्त कार्यक्रम सर्वोदय (समावेशी अक्षर र अनुसन्धान) का सचिव ठाकुर प्रसाद शर्माले संचालन गरेका थिए भने कार्यक्रमको प्रमुख वक्ताका रुपमा गरिमा क्यापिटलका प्रमुख व्यापार अधिकृत तुल्सी प्रसाद आचार्य तथा व्यापार प्रवद्र्घन बिभाग प्रमुख दिपक न्यौपाने रहेका थिए ।

सोही कार्यक्रममा देवचुली नगरपालिकाका नगर प्रमुख हरि प्रसाद न्यौपाने र सर्वोदय (समावेशी अक्षर र अनुसन्धान) का अध्यक्ष युवराज वाग्लेकोसमेत उपस्थिति रहेको थियो ।

विश्व लगानीकर्ता सप्ताह (२०२४) एक हप्ते लामो आई.ओ.एस सिओद्वारा प्रवद्र्घन गरिएको विश्व व्यापी अभियान रहेको भन्दै गरिमा क्यापिटलका सीईओ निर्मल भट्टराईले यसले लगानीकर्ताहरुलाई पंूँजी बजारसँग सम्बन्धी जानकारीहरु तथा महत्वको बारेमा चेतना जगाउने कार्य गर्ने बताए ।