काठमाडौं । खानेपानी मन्त्री प्रदीप यादवले फोटो पत्रकारिताको महत्व हरेक क्षेत्रमा विशेष रहेको बताएका छन् । शनिबार राष्ट्रिय फोटो पत्रकार समूह, नेपाल (एनएफपिजे) को २७ औं वार्षिक साधारणसभा तथा १३ औं अधिवेशनलाई सम्बोधन गर्दै मन्त्री यादवले फोटो पत्रकारिता समाचारको माध्यम मात्र नभएर समाजको प्रतिविम्व प्रस्तुत गर्ने दरिलो पेसा भएको बताएका हुन् ।

उनले भने, ’फोटो पत्रकारीताको योगदान देशले कहिले पनि भुल्ने छैन । खासगरी फोटो पत्रकारिताको महत्व एकदमै धेरै फरक खाले छ । फोटो पत्रकारिता केवल समाचारको माध्यम मात्र नभैइ समाजको संक्षिप्त प्रतिविम्व प्रस्तुत गर्छ । ’

साथै उनले प्रत्येक फोटोले कथा सुनाएर समाजलाई सुशुचित गराउने बताए । उनले फोटो पत्रकारले वास्तविकतालाई अगाडि प्रस्तुत गरेर उपचार गर्न समेत भूमिका खेल्ने बताए ।