काठमाडौं । होन्डा नेपालले हाल चलिरहेको चाडपर्व योजना ‘हाम्रो चाडबाड, होन्डाको खुसीयाली बारबार’मा १० लाख रुपैयाँ नगद पुरस्कार जित्ने भाग्यशाली विजेता घोषणा गरेको छ ।

योजनाअन्तर्गत चाडपर्वको समयमा होन्डाको बाइक र स्कुटर खरिद गर्ने ग्राहकले प्रत्येक खरिदमा १० लाखसम्मको नगद पुरस्कार जित्ने मौका पाउने घोषणा कम्पनीले गरेको थियो ।

जसमा ६ भाग्यशाली ग्राहकले पहिले नै एक लाख रुपैयाँ जितिसकेका छन् भने १० लाख जित्ने विजेता कपिलवस्तु शुद्धोधन–१ का इरफान अहमद मुसलमान बनेका छन् । उनले सिद्धिविनायक अटो इन्टरनेशनल प्रालि भैरहवाबाट सीबी साइन डीएसएस बाइक खरिद गरेका थिए । स्क्र्याच कार्डमार्फत उनले उक्त नगद जितेका हुन् ।

होन्डाले विजेता घोषणा गर्दै चलिरहेको योजनासँग खुसी मनाउन पाउँदा हामी गर्व महसुस गरेको बताएको छ । “हामी अहमदज्यूले ठूलो पुरस्कार जितेको देखेर र उहाँसँग खुसीयालीमा सहभागी हुन पाउँदा निकै उत्साहित छौँ । यो पर्व खुसी र एकताको प्रतीक हो, र हामी यस योजनामार्फत यसको हिस्सा बन्न पाउँदा गर्व गर्दछौँ,” कम्पनीले विज्ञप्तिमार्फत बताएको छ ।