काठमाडौं । नबिल इन्भेष्टमेन्ट बैंकिङ लिमिटेडको सोह्रौं वार्षिक साधारण सभा आज शुक्रबार बिहान ११ बजे सम्पन्न भएको छ। सभाको अध्यक्षता कम्पनीका अध्यक्ष श्री सुजित कुमार शाक्यले गर्नुभयो।

उक्त सभामा सञ्चालक समितिका सदस्यहरू, शेयरधनी महानुभावहरू तथा व्यवस्थापन समितिका सदस्यहरूको उपस्थिती रहेको थियो।

साधारण सभा कम्पनीको रजिष्टर कार्यालय, नक्साल, काठमाण्डौंमा सम्पन्न भएको हो। सभाले आर्थिक वर्ष २०८१/८२ को मुनाफाबाट आफ्ना शेयरधनीहरूलाई २५ प्रतिशत बोनस शेयर (रु. ८ करोड १० लाख) र कर प्रयोजनका लागि १.३१५७८९४७ प्रतिशत नगद लाभांश (रु. ४२ लाख ६३ हजार १५७ रुपैयाँ ८९ पैसा) वितरण गर्ने प्रस्ताव पारित गरेको छ।

सभाले आर्थिक वर्ष २०८१/८२ को वार्षिक प्रतिवेदन, लेखा परीक्षण प्रतिवेदन तथा आगामी वर्षका योजनाहरूलाई पनि अनुमोदन गरेको छ।