काठमाडौं । एन आई सी एशिया बैंकले संस्थाको प्रमुख सूचना अधिकारी (PIO) र प्रमुख गुनासो अधिकारी (CGO) परिवर्तन भएको जानकारी दिएको छ।

बैंकका अनुसार सहायक प्रमुख कार्यकारी अधिकृत जयन्द्र रावललाई नयाँ प्रमुख सूचना अधिकारी नियुक्त गरिएको छ। उनीसँग २०८२ मंसिर ३ गतेदेखि सूचना प्रवाह तथा सञ्चार सम्बन्धी जिम्मेवारी औपचारिक रूपमा सुम्पिएको बैंकले जनाएको छ। रावललाई ९८५१२३१३३२ वा ०१–५९७०१०१ मा सम्पर्क गरी बैंकका आधिकारिक सूचना प्राप्त गर्न सकिनेछ।

यस्तै, प्रमुख सञ्चालन अधिकृत तथा कम्पनी सचिव कमल खड्कालाई प्रमुख गुनासो अधिकारीको जिम्मेवारी दिइएको छ। बैंकिङ सेवासम्बन्धी कुनै गुनासो भएमा खड्कालाई ९८०१९७७९३६ वा ०१–५९७०१०१ मा सम्पर्क गर्न सकिने बैंकले जनाएको छ। साथै, बैंकको औपचारिक इमेलमार्फत पनि गुनासो दर्ता र समाधान गरिने व्यवस्था रहेको जानकारी दिइएको छ।

बैंकका प्रमुख कार्यकारी अधिकृत सुजित कुमार शाक्यले दुवै अधिकारीको कार्यदक्षता तथा अनुभवले सूचना प्रवाह र गुनासो व्यवस्थापन अझ प्रभावकारी हुने विश्वास व्यक्त गरेका छन्।