काठमाडौं । नेपाल प्रिमियर लिग (एनपीएल)को दोस्रो संस्करणअन्तर्गत आज खेलिएको तेस्रो खेलमा पनि दर्शकहरूको उत्साहजनक उपस्थिति देखिएको छ। कीर्तिपुरस्थित त्रिभुवन विश्वविद्यालय क्रिकेट मैदानमा आयोजित खेलमा काठमाडौं गोर्खाज र सुदूरपश्चिम रोयल्स आमनेसामने भएका छन्।

बुधबार भएको खेलमा टस हारेर सुदूरपश्चिम रोयल्सले पहिले ब्याटिङ गरेको थियो। निर्धारित २० ओभरमा उनीहरूले जम्मा गरेर १४८ रनको लक्ष्य काठमाडौं गोर्खाजलाई दिएको छ।

यसअघि, उद्घाटन खेलमा काठमाडौं गोर्खाजले जनकपुर बोल्ट्सलाई पराजित गर्दै प्रतियोगितामा सुखद सुरुआत गरेको थियो। सुदूरपश्चिम रोयल्स भने आजको खेलमार्फत प्रतियोगितामा आफ्नो पहिलो उपस्थिति जनाएको हो।

त्रिवि क्रिकेट मैदानमा आज पनि बाक्लै दर्शक उपस्थित भएका छन्। खेलका बीचमा वर्षा अवरोध, चर्को घाम र कार्यदिवस हुँदाहुँदै पनि दर्शकहरूको निरन्तर भीडले एनपीएलप्रतिको आकर्षण उच्च रहेको पुष्टि गरेको छ। मैदानभित्र रंगीबिरंगी जर्सी, समर्थकहरूको चर्को उत्साह र वातावरणमा छाएको क्रीडा जोशले लिगको माहोल थप जीवन्त बनाएको छ।