काठमाडौं । नेपाल धितोपत्र बोर्ड (सेबोन) को नयाँ अध्यक्ष नियुक्तिका लागि अध्यक्ष छनोट सिफारिस समितिले ४७ आवेदकमध्ये ४ जनाको नाम सर्टलिस्ट गरेको छ।

समितिले २०८३ वैशाख १५ गते इच्छुक व्यक्तिबाट व्यक्तिगत विवरण आह्वान गरेको थियो। तोकिएको समयभित्र प्राप्त ४७ आवेदनको मूल्याङ्कनपछि डा। नवराज अधिकारी, विनयदेव आचार्य, मुकुन्द कुमार क्षेत्री र डा। गोपाल प्रसाद भट्ट लाई सङ्क्षिप्त सूचीमा समावेश गरिएको हो।

सर्टलिस्टमा परेका चार जनामध्ये क्षेत्री र भट्ट नेपाल राष्ट्र बैंकका पूर्व कार्यकारी निर्देशक हुन् भने अधिकारी र आचार्य धितोपत्र बोर्डका पूर्व कार्यकारी निर्देशक रहेका छन्।

सिफारिस समितिले सर्टलिस्टमा परेका उम्मेदवारलाई २०८३ वैशाख ८ गते शुक्रबार अर्थ मन्त्रालयमा छलफलका लागि बोलाएको जनाएको छ।