काठमाडौं, भदौ ५। नेपालमा कमर्शियल लन्ड्री व्यवसायको बढ्दो सम्भावना र आधुनिक लन्ड्री प्रविधिबारे जानकारी दिने उद्देश्यले सीजी इलेक्ट्रोनिक्स–एलजी नेपालले कमर्शियल वाशिङ मेसिन सेमिनार आयोजना गरेको छ।

नेपालका लागि एलजीको आधिकारिक साझेदार सीजी इलेक्ट्रोनिक्सले आयोजना गरेको उक्त सेमिनारमा आतिथ्य, स्वास्थ्य सेवा, लन्ड्री तथा अन्य व्यावसायिक क्षेत्रसँग आबद्ध प्रतिनिधि, उद्यमी र व्यवसायी गरी करिब ४० जनाको सहभागिता रहेको थियो।

सेमिनारमा नेपालमा विस्तार हुँदै गएको कमर्शियल लन्ड्री उद्योग, यस क्षेत्रमा रहेका व्यवसायिक अवसर तथा आधुनिक प्रविधिको प्रयोगमार्फत सञ्चालन दक्षता बढाउने विषयमा छलफल गरिएको कम्पनीले जनाएको छ।

कार्यक्रमको नेतृत्व एलजी कमर्शियल वाशिङ मेसिनका व्यवसाय प्रमुख बसन्त पालले गरेका थिए। कार्यक्रममा सीजी इलेक्ट्रोनिक्सका उपाध्यक्ष तथा रणनीतिक व्यवसाय इकाई प्रमुख एस.सी. साबुको विशेष उपस्थिति रहेको थियो।

व्यावसायिक लन्ड्रीका लागि आधुनिक समाधान

सेमिनारमा एलजीका कमर्शियल वाशिङ मेसिन समाधान, विशेषगरी LG Giant-C र LG Titan-C का विशेषता तथा प्रयोगबारे जानकारी दिइएको थियो। यी मेसिन होटल तथा आतिथ्य क्षेत्र, स्वास्थ्य तथा वेलनेस सेवा, लन्ड्रोम्याट, अपार्टमेन्ट, डोर्मिटोरी र लन्ड्री लाउन्जजस्ता नियमित तथा उच्च मात्रामा कपडा धुनुपर्ने व्यावसायिक क्षेत्रलाई लक्षित गरी डिजाइन गरिएका हुन्।

कम्पनीका अनुसार, यी मेसिनमा उच्च टिकाउपन, शक्तिशाली धुलाई क्षमता, सञ्चालन दक्षता तथा स्मार्ट बिजनेस म्यानेजमेन्टजस्ता विशेषता रहेका छन्। उच्च मात्रामा निरन्तर लन्ड्री सञ्चालन गर्नुपर्ने व्यवसायका लागि यसले भरपर्दो र प्रभावकारी समाधान प्रदान गर्ने अपेक्षा गरिएको छ।

विशेष रूपमा डिजाइन गरिएको १० डिग्रीको टिल्टेड ड्रमले उच्च धुलाई क्षमता कायम राख्दै पानीको खपत कम गर्न सहयोग गर्ने कम्पनीको दाबी छ। त्यस्तै, उन्नत Gyro Balancing System ले टबको गतिविधि पहिचान गरी उपयुक्त वाशिङ एल्गोरिदम प्रयोग गर्ने भएकाले मेसिनलाई स्थिर र प्रभावकारी रूपमा सञ्चालन गर्न मद्दत पुग्ने बताइएको छ।

अनुकूलित वाशिङ साइकलमार्फत करिब ३६ मिनेटमै धुलाई प्रक्रिया सम्पन्न गर्न सकिने जानकारी पनि कार्यक्रममा दिइएको थियो। साथै, Inverter Direct Drive Motor ले परम्परागत बेल्ट–पुली मोटरको तुलनामा कम ऊर्जा खपत गर्दै उच्च दक्षताका साथ कार्यसम्पादन गर्ने कम्पनीले जनाएको छ।

लन्ड्री क्षेत्रमा नयाँ व्यवसायिक सम्भावना

सेमिनारको मुख्य उद्देश्य नेपालमा कमर्शियल लन्ड्री क्षेत्रलाई नयाँ तथा सम्भावनायुक्त व्यवसायका रूपमा प्रवर्द्धन गर्नु रहेको बताइएको छ। सहभागीहरूले होटल, अस्पताल, स्वास्थ्य संस्था, आवासीय क्षेत्र तथा अन्य व्यावसायिक प्रतिष्ठानका लागि लन्ड्री सेवा स्थापना, स्तरोन्नति वा विस्तार गर्न एलजीका व्यावसायिक लन्ड्री समाधानले कसरी सहयोग गर्न सक्छ भन्नेबारे जानकारी प्राप्त गरेका थिए।

एलजीको विश्वव्यापी अनुभव र प्रविधिमा आधारित कमर्शियल लन्ड्री समाधानले व्यवसायको सञ्चालन दक्षता सुधार गर्दै दीर्घकालीन तथा लाभदायक व्यवसायिक वृद्धिमा सहयोग पुर्‍याउने लक्ष्य राखिएको कम्पनीले जनाएको छ।

कार्यक्रमको अन्त्य अन्तरक्रियात्मक सत्रसँगै गरिएको थियो। उक्त सत्रमा सहभागीहरूले एलजी तथा सीजी इलेक्ट्रोनिक्सको टोलीसँग प्रत्यक्ष छलफल गर्दै आफ्नो व्यवसायको आवश्यकता तथा उपयुक्त कमर्शियल लन्ड्री समाधानबारे जानकारी लिएका थिए।

कम्पनीका अनुसार, सेमिनार केवल प्राविधिक जानकारीमा सीमित नभई ज्ञान आदानप्रदान, व्यवसायिक नेटवर्किङ तथा नेपालमा कमर्शियल लन्ड्री व्यवसायको सम्भावना पहिचान गर्ने मञ्चका रूपमा समेत केन्द्रित रहेको थियो।

सीजी इलेक्ट्रोनिक्स–एलजी नेपालले विश्वस्तरीय कमर्शियल समाधान र आधुनिक प्रविधि नेपाली बजारमा उपलब्ध गराउने आफ्नो प्रतिबद्धतालाई निरन्तरता दिने जनाएको छ। कम्पनीले दक्षता, विश्वसनीयता तथा व्यवसायिक वृद्धिलाई केन्द्रमा राखेर उन्नत लन्ड्री समाधानमार्फत नेपाली व्यवसायलाई सहयोग गर्ने विश्वास व्यक्त गरेको छ।