काठमाडौं। महालक्ष्मी विकास बैंकले कोटेश्वरमा नयाँ शाखा विस्तार गरेको छ । बैंकले सोमबारका एक औपचारिक कार्यक्रमका साथ उद्घाटन गरेको हो ।उक्त शाखाको समुद्घाटन कार्यक्रमका प्रमुख अतिथि तथा नेपाल राष्ट्र बैंक, विकास बैंक सुपरीवेक्षण विभागका कार्यकारी निर्देशक ऋषिकेश भट्टले गरेको थियो ।

सभापतिको रुपमा बैंकका सञ्चालक समितिका सदस्य राजेश कुमार रौनियारले गरेको थियो ।बैंकका प्रमुख कार्यकारी अधिकृत कृष्णराज लामिछानेले सो समारोहमा उपस्थित अतिथि, विभिन्न कार्यालयका प्रमुखहरु, व्यवसायी तथा स्थानीय सर्वसाधारणको उपस्थिति प्रति कृतज्ञता ज्ञापन गरेको थियो ।

बैंकले हाल देशभर १०० वटा शाखा तथा ३५ वटा एटिएमहरुमार्फत सेवा प्रदान गर्दै आईरहेको छ ।