काठमाडौ । वरिष्ठ गीतकार एवं एसएसपी टेक तामाङको शब्दमा रचित गीत ‘आमा’ को भिडियो सार्वजनिक भएको छ । गीतमा स्वर गायिका दिपा लामाले दिएकी छिन् भने पावल चाम्लिङको कम्पोजमा चाँद सिंहले एरेन्ज गरेका हुन् ।

श्रद्धाको मन्दिर ममताकी मूर्ति
ईश्वरको सबैभन्दा सुन्दर सृष्टि

 

आमा हो आमा‘ उक्त गीतको हरफमा भएजस्तै सौजन सुब्बा‚ रोहनी लामा‚ सुम्दिमा चाम्लिङ राई‚ सजन मगर‚भोलाराम धिताल‚ दुर्गा धिताल र कृष्ण राईले फिचरिङ गरेका छन् ।

 

‘गीतमा आमाको माया र हुर्काउन गर्नुपर्ने जिम्मेवारी आमाले बाहेक छोराछोरीलाई कसैले दिन सक्दैन’‚ सोही कुरा गीतमार्फत प्रस्तुत गरिएको छ । भिडियोको छायाङ्कन नरेन मोक्तानले गरेका हुन् ।

 

भिडियोको कन्सेप्ट राकेश चाम्लिङले राईले लेखेका हुन् भने निर्देशन देवजंग थापाले गरेका हुन् । गीतकार तामाङको यसअघि नजिक भएर पनि, तिमीलाई माया गर्छु, आमा, जीवनसाथी, माया गरेर हेर, मै खुकुरी अघिसरी सहित आधुनिक, राष्ट्रिय र सेलो गरी ४ सय ५० भन्दा बढी गीत रेकर्डिङ र प्रकाशन भइसकेका छन् । नेपाल प्रहरी सेवाको एसएसपी पदमा कार्यरत तामाङले एक हातमा कर्तव्यबोध बन्दुक भएपनि अर्को हातमा कलम बोकेर सिर्जना गरिरहेका छन् ।