सांग्रिला डेभलपमेन्ट बैंक र प्राइम कमर्सियल बैंक  नेप्सेकाे  ऋणपत्र सूचिकृत भएको छ । नेपाल स्टक एक्सचेञ्ज (नेप्से) मा सोमबार दुइ वटा बैंकको ऋणपत्र सूचिकृत भएको छ ।

स्टकका अनुसार ९ प्रतिशत सांग्रिला बैंक डिबेञ्चर २०८७ को ७ लाख ५० हजार कित्ता ऋणपत्र सूचिकृत भएको हो ।

सांग्रिला डेभलपमेन्ट बैंकले असार ६ गतेदेखि असार २० गते, आइतबारसम्म १० वर्ष अवधिको ‘सांग्रिला डेभलपमेन्ट बैंक डिबेन्चर २०८७ नाममा ७५ करोड रुपैयाँ बराबरको ७ लाख ५० हजार कित्ता ऋणपत्र निष्कासन गरेको थियो ।

त्यसैगरी, ८.७५ प्रतिशत प्राइम डिबेञ्चर २०८५ू को २४ लाख ४७ हजार ९ सय ६३ कित्ता ऋणपत्र सूचिकृत भएको हो ।

प्राइम कमर्सियल बैंक लिमिटेडले फागुन २८ गते, शुक्रबारबाट चैत्र १३ गते, शुक्रबारसम्म ८ वर्ष अवधिको लागि ‘८.७५ प्रतिशत, प्राइम डिबेन्चर २०८५’ नाममा ३ अर्ब ५० करोड रुपैयाँ बराबरको ३५ लाख कित्ता ऋणपत्र निष्कासन गरेको थियो ।