तरलता अभाव भएपछि बैंक तथा वित्तीय संस्थाले आज पनि राष्ट्र बैंकसँग सापटी लिएका छन्। बैंकहरुले आज १८ अर्ब ५५ करोड रुपैयाँ स्थायी तरलता सुविधा लिएका छन्।

दिनभरीमा ११ पटक कारोबार भएको छ। यसको ब्याज दर ५ प्रतिशत हुन्छ। ३ प्रतिशत स्थायी तरलता सुविधा (सीआरआर) कायम गर्ने पैसा नभएपछि उनीहरुले सापटी चलाएका हुन्।

चालु वर्ष मात्र बैकहरुले २ खर्ब ५४ अर्ब ५९ करोड रुपैयाँ एसएलएफ चलाएका छन्।

बैंकहरुले ओभरनाइट रिपोसमेत चलाएका छन्। यसको ब्याज दर साढे ३ प्रतिशत हुन्छ। बुधबार ६६ करोड रुपैयाँ चलाएका छन्। चालु वर्ष १४ अर्ब ५६ करोड रुपैयाँ चलाएका हुन्।