निरंजन साह,जककपुरधाम । नेपाल को प्रदेश नम्बर दुई मा भएको भारतीय लगानीमा निर्माण गरिएको जयनगर(जनकपुर(कुर्था ब्रोडगेज रेल्वे खण्ड उद्घाटन गर्ने भारतीय रेलमन्त्री पियुष गोयल र उत्तरप्रदेशका मुख्यमन्त्री आदित्य नाथ योगीले गर्ने कार्यक्रम लगभग टुंगो लागेका छ ।

राम जानकी विवाह पञ्चमी महोत्सवकै दिन रेल्वे लाइन उद्घाटन गर्ने कार्यक्रम रहेको भारतीय दूतावास स्रोतले जानकारी दिएका छन । अहिले निर्माणाधीन प्लेटफर्म र स्टेशनको काम तीव्र गति मा भइरहेको हो ।

उत्तरप्रदेशको मुख्यमन्त्री योगीले रेल्वे लाइनको शुभारम्भ गर्ने कार्यक्रम रहेको प्रदेश नम्बर दुई का आन्तरिक मामिला तथा कानून मन्त्री ज्ञानेन्द्र कुमार यादवले जानकारी दिएका छन ।

उतरप्रदेश का मुख्यमन्त्री योगीको भ्रमण तयारी बुझ्न भारतीय राजदूत मन्जिभसिंह पुरी जनकपुर आएर फर्कि सकेका छन् । भने, पुरीले भ्रमणबारे प्रदेश सरकार, जनकपुरधामा उपमहानगरपालिका का मेयर लालकिशोर साह र धनुषा प्रहरी प्रशासनसँग छलफल समेत गरेका छन् ।

जानकी मन्दिर र रंगभूमि मैदानमा बारबिघामा विवाहपञ्चमीको कार्यक्रम आयोजना गरिनेछ । जानकी मन्दिरले पनि महोत्सव तयारीमा तीव्रता दिएको जानकी मन्दिर का छोटा महन्थ रामरोशन दास बैष्णब ले जानकारी दिएको छ ।

रामजानकी विवाह महोत्सवमा भारतका प्रधानमन्त्री नरेन्द्र मोदी आफैं जन्ती बनेर आउन इच्छुक थिए तर उनको जनकपुर भ्रमण अनिश्चित भएपछि उत्तरप्रदेशका मुख्यमन्त्री योगी र केन्द्र सरकारका रेलमन्त्री पियुष गोयल आउन लागेको भारतीय दूतावासले बताएका छन ।

यस्तै उता भारतका गृह मन्त्री राजनाथ सिंह आउने न आउने विषयमा अझैं टुंगो नलागेको भारतीय दुतावासले जनाएका छन ।