काठमाडौं । हिमालयन रि इन्स्योरेन्स कम्पनीको सिईओमा उपासना पौडेल नियुक्त भएकी छिन् । कम्पनी सञ्चालक समितिले पौडेललाइ सिईओमा नियुक्त गरेको हो ।

पौडेलसँग यसअघि युनाइटेड इन्स्योरेन्स कम्पनीमा सिईओ भएर काम गरिसकेको अनुभव रहेको छ । यसअघि उपासना पौडेल सोही कम्पनीको डेपुटी सिइओमा कार्यरत थिईन । पौडेल गत वर्षको मंसिर १३ गतेदेखि हिमालयन रि इन्स्योरेन्स कम्पनीको डेपुपटी सिईओमा आबद्ध भएकी थिईन् ।

करिब चार वर्ष निर्जीवन बीमा क्षेत्रमा काम गरेकी पौडेल पुनर्बीमा क्षेत्रमा प्रवेश गरेकी छिन् । यसअघि उनी युनाईटेड इन्स्योरेन्सको प्रमुख कार्यकारी अधिकृतको रुपमा कार्यरत थिइन् ।

२०७८ बैशाखमा कम्पनीको सीईओमा नियुक्त भएकी पौडेल एक कार्यकाल सकिनु अघिनै राजिनामा गरेर हिमालयन रिमा डेपुटी सिईओ बनेकी थिईन । ३५ वर्षको उमेरमा नै सिइओको भूमिका निर्वाह गरेकि उपासना हाल दोसो ठूलो पुनर्बीमा कम्पनीमा हिमालयन रिको सिईओ नियुक्त भएकी हुन् ।

विगत एक दशक बढी समयको कार्यानुभव बटुलेकी पौडेलले दिल्ली विश्वविद्यालयको फ्याकल्टी अफ म्यानेजमेन्ट स्टडिज (एफएमएस)बाट एमबिएसम्मको अध्ययन पुरा गरेकी छन्।