काठमाण्डौँ-  ओप्पोले आर ९ एस सर्वाधिक बिक्री भएको दावी गरेको छ ।  रिसर्च फर्म स्ट्राटिजी एनालिटिक्सको प्रतिवेदनलाई हवाला दिँदै ओप्पोले यसपटक सर्वाधिक बिक्री हुन सफल फोन आ ९ एस रहेको दावी गरेको छ ।

प्रतिवेदनअनुसार ८९ लाख प्रति फोन बिक्री हुनका साथ ओप्पो सन् २०१७ को पहिलो त्रैमासमा सर्वाधिक लोकप्रिय फोनका रुपमा स्थापित हुन सफल भएको विज्ञप्तिमा उल्लेख छ ।

रिसर्च फर्म स्ट्राटिजी एनालिटिक्सका अनुसार पछिल्लो त्रैमासमा २ करोड १५ लाख प्रति फोन बिक्रीका साथ एप्पलको आइफोन ७ सर्वाधिक विक्रि हुन सफल स्मार्टफोन रहेको थियो ।

१ करोड ७४ लाख प्रति बिक्रीका साथ दोस्रो स्थानमा आइफोनकै सेभेन प्लस रहेको थियो । उक्त त्रैमासमा ओप्पोको आर ९ एस तेस्रो स्थानमा रहेको थियो । स्ट्राटिजी एनालिटिक्सका अनुसार ओप्पो चिनियाँ बजारमा निकै लोकप्रिय रहेको छ ।

साथै, भारतीय बजारमा ओप्पोको बढ्दो बिक्रीले मिड रेञ्ज ओप्पो आर ९ एसको विक्रिमा उल्लेख्य बृद्धि ल्याउन प्रत्यक्ष रुपमा सघाएको जनाइएको छ ।

प्रतिवेदनले सन् २०१७ को पहिलो त्रैमासमा विश्व बजारमा ३५ करोड ३३ लाख फोन ढुवानी गरिएको दावी गरेको छ । पछिल्लो बर्षको सोही समयमा भएको ३३ करोड ३१ लाख फोन ढुवानीको तुलनामा यो ६ दशमलव १ प्रतिशतले बृद्धि भएको हो ।