भरतपुर महानगरपालिकामा देवी ज्ञवाली लाई पछ्याउदै रेणु ले
Thursday May 18, 2017
वि.सं.२०७४ जेठ ४ बिहीवार २३:१३
५ जेठ, चितवन- भरतपुर महानगरपालिकाको मेयरमा नेकपा माओवादी केन्द्रकी उम्मेदवार रेणु दाहालले आफ्नो मतान्तर कम बनाउँदै लगेकी छन्। बिहीबार रातीसम्म करिब २ हजार भन्दा बढी मतले पछि परेकी रेणु अहिले भने एमाले उम्मेदवार देवी ज्ञवाली भन्दा ४ सय ४२ मतले मात्र पछि परेकी छन् । एमाले उम्मेदवार ज्ञवालीले हालसम्म ११ हजार ५ सय ८४ मत ल्याएका छन्।
रेणुले आफ्नो मत बढाउँदै ११ हजार १ सय ४२ पुर्याएकी छन् ।
राप्रपाका बद्री तिमिल्सिनाले ९ सय १३ मत ल्याएका छन्।
उपमेयरमा भने नेपाली कांग्रेसकी उम्मेदवार पार्वती शाहले नै अग्रता लिएकी छन् । उनले १२ हजार ९ सय ७६ मत ल्याएकी छन् । एमालेकी उम्मेदवार दिव्या आचार्यले ९ हजार ८ सय ५६ मत ल्याएकी छन् भने राप्रपाले १०६९ मत ल्याएका छन्।
