१० असार, कञ्चनपुर-     प्रधानमन्त्री शेर बहादुर देउवाले नयाँ संविधान कार्यान्वयन गर्नका लागि निर्वाचन अपरिहार्य भएको बताएका छन् । शनिबार नेपाल प्रेस यूनियनले कञ्चनपुरको महेन्द्रनगरमा आयोजना गरेको पत्रकार सम्मेलनमा बोल्दै प्रधानमन्त्री देउवाले संविधान कार्यान्वयन गर्न तीनै तहको निर्वाचन अपरिहार्य भएको बताएका हुन् ।

प्रधानमन्त्री देउवाले स्थानीय, प्रदेश र संघको निर्वाचन गर्नुको विकल्प नरहेको समेत बताए । ‘लामो ईतिहास पछि स्थानीय तहको निर्वाचन हुँदै छ । यसलाई सफल पार्न संचारको महत्वपूर्ण भूमिका हुन्छ ।’ संविधान संशोधन गरेर राजपालाई समेत निर्वाचनमा सहभागि गराउने बताउदै प्रधानमन्त्री देउवाले संशोधनका लागि एमालेसंग छलफल गर्ने बताए । ‘राजपा चुनावमा भाग लिन्छ्, उनले भने, ‘उनीहरुको माग पुरा गर्न सरकार लागि परेको छ ।’ सदाका लागि राजपाको समस्या समाधान हुने प्रधानमन्त्री देउवाले विश्वास व्यक्त गरे । महाकालीमा पक्की पुल निर्माण गर्ने काम शुरु भईसकेको बताउदै प्रधानमन्त्री देउवाले डिपिआर तयार भईसकेको बताए ।

७ नम्बर प्रदेश लगायत मुलुकभर विकासका सम्भावका प्रचुर मात्रामा रहेको भन्दै देउवाले सम्भावना अघि बढाउने बताए ।