विमतगणनाको तयारी भइरदा विद्युत सर्ट भएपछि निर्वाचन आयोगका कर्मचारीको भागाभाग

Thursday Jun 29, 2017
वि.सं.२०७४ असार १५ बिहीवार ०९:०४

१५ असार, मोरङ– विराटनगर महानगरपालिकाको मतगणनास्थल आर्दश उच्चमाविमा मतगणनाको तयारी भैरहेका बेला विद्युत सर्ट भएपछि निर्वाचन आयोगका कर्मचारीको भागाभाग भएको छ ।
मतगणनाको तयारी भइरहेका वेला एक्कासि विद्युत सर्ट भएपछि कर्मचारी र दलका प्रतिनिधीहरु हलबाट बाहिर निस्केका थिए ।
विद्युत सर्ट हुदा ठुलो आवाज आउनुका साथै धुवाँको मुस्लो समेत आएको थियो । यद्यपी मतपेटीका भने सुरक्षीत रहेको बताइएको छ । बिहान १० बजेबाट मतगणना सुरु गर्ने भनिएपनि विराटनगरको मतगणना हुन सकेको थिएन ।
घटनापछि मतगणनामा थप ढिलाई हुने भएको छ । कर्मचारीले विद्युत प्राधिकरणलाई खवर गरेको र विद्युतको व्यवस्था भएपछिमात्रै मतगणना सुरु गर्ने प्रमुख निर्वाचन अधिकृत विनोद ढकालले बताए ।
१ लाख १३ हजार ७ सय ६१ मतदाता रहेको यस महानगरपालिकामा ८० हजार चारसय ७७ मत खसेको छ ।