काठमाडौं–नेपालमा आफ्नो संचालनकालको ५० औं वर्ष पूरा गरेको अवसरमा थाई एअरवेज ईन्टरनेश्नल पब्लिक कम्पनी लिमिटेडले कपनमा अवस्थित बाल अपाङ्ग टेवा संस्थामा अपाङ्ग बालबालिकाहरु बीच एक सामाजिक कार्यक्रमको आयोजना गरी सहयोग गरेको छ ।
कार्यक्रममाझ थाई एयरवेजले स्टेशनरी सामान, कम्प्यूटर, प्रिन्टरका साथै केहि नगद उपहार बाल अपाङ्ग टेवा संस्थाका परिवार र व्यवस्थापनलाई प्रदान गरेको हो । कार्यक्रममा म्यूजिकल ब्याण्ड र विभिन्न गायक गायिकाहरुको सहभागिता गराई मनोरञ्जन पनि प्रदान गरिएको थियो । खाजा र खानाको व्यवस्था गरी कम्पनीले बालबालिकाहरुलाई मायाको चिनो समेत प्रदान गर्यो । यसै गरी थाई एअरवेजले ५० विभिन्न बालबालिकाहरुको जीवन र उनीहरुको भावनामा परिवर्तन ल्याउनको निमित्त यस्तै पलहरु संगाल्ने योजना बनाएको जनाएको छ ।