Nabil Bank
Everest Bank Limited
prabhubank

फेक अपहरण काण्डले दिनभरी तनावमा प्रहरी

मिडिया स्पेस सोलुसन्स प्रालि

मंगलवार दिउँसो २ बजे । महानगरीय प्रहरी परिसर काठमाडौंको कन्ट्रोलमा एउटा सूचना आयो– गोठाटार क्षेत्रबाट एक बालक अपहरणमा परे ।

बालक अपहरणको सूचना आएपछि ५ मिनेटको अन्तरालमा करीब एक सयको संख्यामा प्रहरी परिचालन भयो ।

महानगरीय प्रहरी परिसार काठमाडौं, अपराध महाशाखा, प्रहरी प्रभाग काँडाघारी, प्रहरी प्रभाग कोटेश्वर, प्रहरी वृत्त गौशाला, प्रहरी वृत्त बौद्ध, प्रहरी वृत्त बानेश्वर र महानगरीय प्रहरी परिसर भक्तपुरबाट समेत प्रहरीको छुट्टा–छुट्टै टोली परिचालन भयो ।

प्रहरीको टोली घटनास्थल भनिएको त्रिभुवन अन्तर्राष्ट्रिय विमानस्थलको उत्तरपूर्वतर्फको तेजविनायक चोक पुग्यो । ठाउँ–ठाउँमा नाकाबन्दी गरेर चेकजाँच पनि हुनथाल्यो ।

घटनास्थलको सीसीटीभी फुटेज समेत अध्ययन गरियो । अपहरणमा परेको भनिएका बालकको पहिचान खोज्न स्थानीयसँग सूचना पनि संकलन थालियो । तर कसैले पनि आफ्नो बच्चा हराएको भन्दै प्रहरीलाई सूचना दिएन ।

खोजी शुरू गरिएको करीब २ घण्टासम्म पनि अपहरणमा परेको भनिएको बच्चाबारे कुनै जानकारी प्राप्त हुन नसकेपछि प्रहरीले कन्ट्रोल रुममा फोन गर्ने व्यक्तिको खोजी गर्‍यो ।

बालक अपहरणमा परेको भन्दै प्रहरीलाई फोन गर्ने व्यक्ति गोठाटारमै बस्ने स्थानीय रहेछन् । तर उनले आफूले बालकको अपरण भएको देखेका रहेनछन् ।

आफूलाई एकजना गाउँलेले बालक अपहरण भएको कुरा सुनाएपछि प्रहरीलाई खबर गरेको उनको जवाफ आयो । त्यसपछि प्रहरीले उनलाई सूचना दिने व्यक्तिको खोजी गर्‍यो ।

ती व्यक्तिले पनि आफूले बच्चा अपहरण भएको नदेखेको बताए । तर पसलमा हल्ला सुनेको प्रहरीलाई जानकारी दिए ।

प्रहरीले पसलमा सोधपुछ गर्‍यो । त्यसपछि पत्ता लाग्यो, एक ७० वर्षीया वृद्धाले बालकलाई २ जनाले गाडीमा हालेर लग्दै गरेको देखेकी रहिछन् । बालकलाई गाडीमा लग्दै गरेको देखेपछि उनलाई कसैले अपहरण पो गरेका हुन् कि भन्ने लागेछ । त्यसपछि उनले पसलमा भएका अन्य व्यक्तिसँग सुनाइन् ।

७० वर्षीया वृद्धाको कुरा सुनेपछि एक कान, दुई कान हुँदै बालक अपहरण भएको हल्ला नै चल्यो ।

वृद्धाको भ्रमले प्रहरीलाई तनाव

गत साउन २० गते (आइतवार) मात्रै काठमाडौंको काँडाघारी क्षेत्रबाट ११ वर्षीय बालक निशान खड्काको अपहरणपछि हत्या भएको थियो ।

निशानको सकुशल उद्दार गर्न नसकेको भन्दै प्रहरीको आलोचना पनि भयो । निशानको अपहरणमा संलग्नलाई कोठाबाट समातेर जंगलमा लगेर गोली हानी मारेर दोहरो मुठभेड भएको भनेपछि अहिले पनि आलोचना भइरहेको छ ।

यस्तो अवस्थामा बुधवार पनि काँडाघारी–गोठाटार क्षेत्रबाट बालकको अपहरण भएपछि तत्काल खोजीका लागि प्रहरी परिचालन भएको थियो ।

महानगरीय प्रहरी परिसर काठमाडौंका प्रहरी उपरीक्षक (एसपी) अशोक सिंहका अनुसार बुधवार अपहरणमा परेका भनिएको बालकको खोजीका लागि ५ मिनेटमै १०० को संख्यामा प्रहरी परिचालन भएका थिए ।

प्रहरीले काठमाडौं–भक्तपुर–ललितपुरका मुख्य नाकामा कडा चेकजाँच पनि गर्‍यो । तर अन्तिममा बालक अपहरणको वास्तविकता ७० वर्षीया वृद्धाको भ्रम मात्रै रहेको निष्कर्षमा प्रहरी पुगेको छ ।

‘कोही आफन्तले बच्चा समातेर गाडीमा हालेको लगेर देख्दा ७० वर्षीया वृद्धालाई अपहरण गरेर लगे कि भन्ने भ्रम परेजस्तो देखियो,’ एसपी सिंहले लोकान्तरसँग भने, ‘वास्तवमै बालकको अपहरण भएको भए हामीलाई अहिलेसम्म कसै न कसैले बालक अपहरण भएको भनेर पृष्टि हुने खालको सूचना दिन्थे होला ।’

यद्यपि अहिले पनि उक्त प्रकरणमा छानबिन चलिरहेको सिंहको भनाइ छ ।

यस्तो थियो समाचार

काठमाडौँमा दिउँसै अपहरणमा परे ७ वर्षे बालक, अपहरणकारी अझै भेटिएन

काठमाडौँ  । काठमाडौँको गोठाटारबाट ७ वर्षे बालक अपहरणमा परेका छन् ।

अपहरणमा परेका बालकले चेक सर्ट र प्यान्ट लगाएका छन् । त्रिभुवन अन्तर्राष्ट्रिय विमानस्थल उत्तर–पूर्वको तेजविनायक चोकबाट उनी बुधबार अपहरणमा परेका हुन् ।

 

उनलाई तेज विनायक स्कुल नजिकबाट तीन जनाको समूहले गाडीमा राखेर लगेको प्रहरीले जानकारी दिएको छ । बालकलाई लैजाने गाडी खैरो रङको भएको प्रहरीले जनाएको छ ।

 

बालकको खोजीका लागि महानगरीय प्रहरी कार्यालयले काठमाडौं, ललितपुर र भक्तपुर जिल्लामा प्रहरी परिचालन गरेको छ । प्रहरीले ठाँउ–ठाँउमा नाकाबन्दी गरेर बालकको खोजी गरिरहेको  छ।

 

बच्चाको खोजीको लागि अपराध अनुसन्धान महाशाखा र महानगरीय प्रहरी परिसरको टोली काठमाडौं, ललितपुर र भक्तपुर जिल्लामा प्रहरी परिचालन गरेको छ ।

 

महानगरीय प्रहरी परिसर काठमाडौंका डिएसपी होविन्द्र बोगटी, बौद्ध वृत्तका डिएसपी श्यामकुमार राई र बानेश्वर वृत्तका डिएसपी गोविन्द काफ्ले अहिले घटनास्थल पुगेका छन्।

 

घटनाबारे अनुसन्धान भइरहेको प्रहरीले जनाएको छ ।

आफ्नै पहलमा विद्यार्थीलाई देश–विदेशमा इन्टर्नशिपमा पठाउँदै पद्मकन्या क्याम्पस

आफ्नै पहलमा विद्यार्थीलाई देश–विदेशमा इन्टर्नशिपमा पठाउँदै पद्मकन्या...

वि.सं.२०८० असोज १५ सोमवार ०९:३६

  काठमाडौं । पद्मकन्या क्याम्पसले आफ्नै सञ्जालको माध्यमबाट सम्पर्क गरी...

सरकार विस्तारसँगै मन्त्रालयको जिम्मेवारी हेरफेर हुने, गृहमा नारायणकाजी जाने सम्भावना

सरकार विस्तारसँगै मन्त्रालयको जिम्मेवारी हेरफेर हुने, गृहमा...

वि.सं.२०७९ चैत १२ आइतवार ०९:३२

    काठमाडौं । सरकार विस्तारको चरणमा रहेका प्रधानमन्त्री पुष्पकमल...

नेकपा स्थापना नभएको भए पञ्चायत ढल्ने थिएन : उपमहासचिव गुरुङ

नेकपा स्थापना नभएको भए पञ्चायत ढल्ने थिएन...

वि.सं.२०७९ चैत ११ शनिवार १८:३५

  काठमाडौं । नेकपा एमालेका उपमहासचिव पृथ्वीसुब्बा गुरुङले नेकपाको स्थापना...

आजको मौसम : मुलुकको भूभागमा चट्याङसहित वर्षा हुने 

आजको मौसम : मुलुकको भूभागमा चट्याङसहित वर्षा...

वि.सं.२०७९ चैत ३ शुक्रवार १५:४२

  काठमाडौं । आज मुलुकको पहाडी तथा तराईका भूभागमा चट्याङसहित...

कर अधिकारीहरूले भारतमा बीबीसीको कार्यालयमा छापा

कर अधिकारीहरूले भारतमा बीबीसीको कार्यालयमा छापा

वि.सं.२०७९ फागुन ७ आइतवार ००:१६

  न्यूयोर्क, फेब्रुअरी 15 (केएमएस): भारतीय कर अधिकारीहरूले प्रधानमन्त्री नरेन्द्र...

फरवार्ड माइक्रोफाइनान्स लघुवित्तको अध्यक्षमा केशव राज पौडेल

फरवार्ड माइक्रोफाइनान्स लघुवित्तको अध्यक्षमा केशव राज पौडेल

वि.सं.२०७९ माघ २७ शुक्रवार ११:१२

काठमाडौं । फरवार्ड माइक्रोफाइनान्स लघुवित्त वित्तीय संस्था लिमिटेडको अध्यक्षमा केशव...