धनुषामा मोटरसाइकल को ठक्करबाट एक महिला को मृत्यु
Wednesday Nov 14, 2018
वि.सं.२०७५ कात्तिक २८ बुधवार ०४:४६
निरंजन साह, जनकपुरधाम। जनकपुरमा मोटरसाइकलको ठक्करबाट एक महिलाको मृत्यु भएको छ ।
जनकपुरधाम उपमहानगरपालिका वडा नम्बर ४ की अन्दाजी ६५ वर्षीय चन्द्रकला देवीलाई ज ४ प ८९२७ नम्बरको पल्सर मोटरसाइकलले सोमबार साँझ ठक्कर दिएको थियो ।
जनकपुरका माछा बजार भन्दा दक्षिण बसहिया जाने बाटोमा तीव्र गतिमा आएको मोटरसाइकलले ठक्कर दिएको त्यहाँका स्थानीय प्रत्यक्षदर्शीले बताए ।
ठक्कर दिएर फरार चालक रत्न ठाकुर तथा मोटरसाइकल सहित जिल्ला प्रहरी कार्यालय अबेर राती पक्राउ गरि जिप्रका धनुषा मा राखिएको प्रहरीले जनाएको छ ।मोटरसाइकल चालक जनकपुर उपमहानगरपालिका १० का स्थानीय हुन ।
मृतक महिलाको लासलाई अहिले पोस्टमार्टमको लागि जनकपुर अञ्चल अस्पतालमा राखिएको छ ।
