धनगढी । डडेल्धुराको भागेश्वर गाउँपालिकाबाट सदरमुकाम आउने क्रममा जीप दुर्घटना हुँदा २ जनाको मृत्यु भएको छ ।

जिल्ला प्रहरी कार्यालय डडेल्धुराका प्रहरी निरीक्षक खगेन्द्र साउँदका अनुसार मृत्यु हुनेमा भागेश्वर गाउँपालिका–३ का जीपधनी ४५ वर्षीय दीपेन्द्र शाही र जीपमा सवार भागेश्वर–२ का २५ वर्षीय धर्मसिंह मडै रहेका छन् ।

दुर्घटनामा घाइते भएका १७ जनाको उपक्षेत्रीय अस्पताल डडेल्धुरामा उपचार भइरहेको जनाइएको छ । तर उनीहरूको विवरण आउन बाँकी रहेको प्रहरीले जनाएको छ ।

म१ज १८० नम्बरको जीप अनियन्त्रित भई सडकबाट भीरमा खसेर दुर्घटना भएको हो ।