साउन ७, काठमाडौं । एनआईसी एशिया बैंकले ऋणपत्र सोमवार (साउन ६ गते)देखि विक्री खुला गरेको छ । बैंकले तेस्रो पटक ४४ लाख कित्ता ऋणपत्र जारी गरेको हो । बैंकले ४४ लाखमध्ये १७ लाख ६० हजार कित्ता सर्वसाधारणको लागि र २६ लाख ४० हजार कित्ता कित्ता व्यक्तिगत संघ संस्थालाई विक्री गर्नेछ । ऋणपत्र निष्कासन बन्द मिति छिटोमा  साउन ९ गते र ढिलोमा भदौ ३ गतेसम्म रहेको छ ।

आवेदकले न्यूनतम २५ कित्ता र अधिकतम २२ लाख कित्ताको लागि आवेदन दिन सक्नेछन् । बैंकले १० दशमलव २५ ब्याजदरमा बि.सं २०८३÷८४ सम्मको लागि ऋणपत्र जारी गर्न लागेको हो । विक्री प्रबन्धक सानिमा क्यापिटल लिमिटेड रहेको छ । आवेदकले सि आस्बा सेवामा सहभागि बैंक तथा वित्तीय संस्थाहरु र तिनका शाखा कार्यलयहरुबाट आवेदन गर्न सक्नेछन् ।