काठमाडौं । चिनियाँहरुले प्रणाली ह्याक गरेर लुटेको पैसा भिसा नेटवर्कले एटिएम बुथ प्रयोग भएका बैंकहरुलाई दिएको छ।

अघिल्लो शनिवार चिनियाँहरुले दिउँसो विभिन्न ६ बैंकको एटिएम बुथबाट पैसा झिकेका थिए। उनीहरुले भारत र नेपालबाट करिव साढे ३ करोड झिकेका थिए।

नेपालबाट झिकिएको पैसा फिर्ता गरिएको हो। नबिलको ७० लाख, नेपाल इन्भेष्टमेन्ट बैंकको ५० लाख र नेपाल एसबिआइ बैंकको २१ लाख रुपैयाँ फिर्ता गरिएको हो। यसैगरी कुमारी, मेगा र एभरेष्ट बैंकको पैसा पनि फिर्ता भएको छ।

लुटेराहरुले ग्लोबल आइएमइ, प्रभु, माछापुच्छ्रे, जनता, एनआइसी एसिया, सनराइज र सिटिजन्स बैंकको एटिएम कार्ड घोटेर पैसा लुटेका थिए।

लुटेराहरुले कसरी पैसा लुटे भन्ने अनुसन्धान अहिले चलिरहेको छ। सिङ्गापुरबाट आएको टोलीले फरेन्सिक जाँच गरिरहेको छ।

भारतबाट भने के कति रकम लुटियो भन्ने अनुसन्धान जारी नै छ। अहिलेसम्म भारु १ करोड ५ लाख लुटिएको देखिएको छ।