रौतहट: रौतहटको चन्द्रपुर चन्द्रनिगाहपुरमा रहेको चन्द्रोदय बचत तथा ऋण सहकारी सस्थाले धेरै बिरामीलाई रगतको ब्यबस्था गरिदिएर बिरामीलाई जिबन्दान दिएको छ । ०६५ सालमा स्थापित भइ छोटो समयमै रौतहटको सहकारी मध्यमा लोकपृय र आफ्ना १६ सय भन्दा बढि शेयर सदस्यको बिस्वास जित्न सफल यस सहकारीले चन्द्रपुर हस्पिटल प्रा लि को समन्वयमा रक्तदान गर्ने गरेको सस्थाका सह -सचिब तथा प्रवक्ता दिवाकर सापकोटाले जानकारी दिनुभयो ।

हरेक जिल्लाबाट उपचार गर्न आउने बिरामीलाई रगतको अभाब भएमा साकोस चौबिसै घन्टा आफ्नो कर्तब्य पूरा गर्न तयार रहेको साकोसका उपाध्यक्ष वसन्त आचार्य बताउनुहुन्छ । चन्द्रोदय साकोसले शुरु गरेको यो पुण्यको कामले रगतको अभाबमा ज्यान गुमाउनेको लागि जिबनदान भएको चन्द्रपुर अस्पतालका डा. सुबास चौधरीको भनाइ रहेको छ साथै चन्द्रोदय साकोस र चन्द्रपुर हस्पिटलले असक्त बिपन्न परिवार र आर्थिक समस्याले उपचार गर्न नसक्नेका निमित्त निकट समयमै विशेष कोष खडा गरिने समेत सस्थाका अध्यक्ष प्रकाश गहतराजले बताउनुभयो ।