मुख्य खबर

सनराइज बैंकको विवाद साम्य

  • Avatar
    Aarthik

    २०७७ श्रावण १८ गते, आईतवार १०:११ मा प्रकाशित

सनराइज बैंकमा देखिएको विवाद तत्कालका लागि साम्य भएको छ ।
साता दिनदेखि चरमोत्कर्षमा पुगेको सञ्चालक र सिइओबीचको विवाद नेपाल राष्ट्र बैंकको मध्यस्तकर्तामा केही समयका लागि साम्य भएको हो ।
हिजो मध्यान्ह बसेको संचालक समितिको बैठकले विवाद समाधान गरेको हो ।
 प्रमुख कार्यकारी अधिकृत (सीईओ) जनकराज शर्मा पौडेलसँग बैंक सञ्चालक समितिले किन बर्खास्त नगर्ने भन्ने प्रश्न गरेपछि त्यहाँ विवादले उग्र रुप लिएको थियो । गत ८ साउन गते बैंकले शर्मालाई तीन दिनको समय सीमा तोकेर सफाइ पेश गर्न भनेको थियो । यही बीचमा यो इस्यु नेपाल राष्ट्र बैंकसम्म पुग्यो ।
व्यवस्थापकले बैंकका सीईओको व्यवस्थापकीय क्षमतामा नै प्रश्न गरेका थिए । ६ बुँदे  पत्र काट्दै मोतीलाल दूगडले सिइओ पौडेलमाथि लागेका आरोपको सम्बन्धमा सफाइ मागेका हुन् ।
नेपाल राष्ट्र बैंकले विवाद मिलाएर अघि नबढे बैंकमा हस्तक्षेप गर्ने चेतावनी दिएपछि बैंकले आन्तरिक रुप मै विवाद समाधान गरेको हो ।
बैंकका सञ्चालक समितिले प्रमुख कार्यकारी अधिकृत जनक शर्मा पौडेलले दिएको स्पष्टीकरण चित्तबुझ्दो भएकोले सीइओमा उनलाई नै निरन्तरता दिने गरी सहमति भएको बताएको छ । अब सीइओमा जनकराज शर्मालाई नै निरन्तरता दिने र कुनै पनि पक्षले यस विषय पुन उठान नगर्ने र दुवै पक्ष मिलेर अघि बढ्ने गरी सहमति भएको छ ।
अध्यक्षलाई पत्र लेख्नेहरूमा ओमकृष्ण जोशी, शारदा शर्मा पुडासैनी, बच्छराज तातेड, शैलेन्द्र गुरागाइँ र मालचन्द दुगडलगायतका सञ्चालकहरू रहेका छन् । उनीहरूले साउने सक्रान्ती कै दिन अध्यक्षलाई सीईओको व्यवस्थापकीय क्षमता माथि गम्भिर प्रश्न उठेको भन्दै संयुक्त रुपमा पत्राचार गरेका थिए ।
बैंकका प्रमुख कार्यकारी अधिकृत जनक शर्मा पौडेलले दिएको स्पष्टीकरण चित्तबुझ्दो भएकोले सीइओमा उनलाई नै निरन्तरता दिने गरी सहमति भएको स्रोतले जनाएको छ ।  स्रोतका अनुसार सीइओमा शर्मालाई नै निरन्तरता दिने र कुनै पनि पक्षले यस विषय पुन उठान नगर्ने र दुवै पक्ष मिलेर अगाडी बढ्ने गरी सहमति भएको हो ।

http://noc.org.np/