काठमाडौँ । एलन मस्क विश्वका सबैभन्दा धनि व्यक्ति बनेका छन् । ब्लूमबर्गका अनुसार मस्कले अमेजनका फाउन्डर जेफ बेजोसलाई उछिन्दै धनि व्यक्तिको सुचीमा शिर्ष स्थानमा उक्लिएका हुन् ।

विहिबार टेस्लाको सेयर मुल्य ६ प्रतिशतले बढेसँगै मस्क विश्वको धनि व्यक्ति बनेको ब्लूमवर्गले जनाएको छ । यो सँगै उनको अहिलेको सम्पत्ति १९१ बिलियन डलर पुगेको छ ।

मस्क टेस्ला बाहेक निजी स्पेस कम्पनी स्पेसएक्सका समेत मालिक हुन् । तर स्पेस एक्सको सेयर मुल्य त्यति घटबढ नहुने बह्येपनि टेस्लाको मुल्य करिब एक बर्षमा ७४३ प्रतिशतले बढेको देखिएको छ । २०२० मा टेस्लाको सेयर मुल्यमा १०६ बिलियनले बढेको थियो ।

गत नोभेमबरमा नै मस्क विल गेट्सलाई उछिन्दै विश्वको दोस्रो धनि व्यक्ति बनेका थिए ।

त्यस्तै बेजोसको भने अहिलेको बजार मुल्य अनुसार सम्पत्तिको नेट मुल्य १८७ बिलियन डलर रहेको छ । त्यस्तै बेजोसको कम्पनि अमेजनको पनि २०२० मा सेयर मुल्यमा करिब ७५ बिलियनले बढेको छ ।

ब्लूमवर्गको रियल टाइम बिलिनियर्स ट्रयाकरले मस्क अहिले सबैभन्दा धनि भएको उल्लेख गरेको छ ।

त्यस्तै तेस्रो स्थानमा बिल गेट्स रहेका छन् । गेट्सको अहिले सम्पतिको नेट मुल्य १३२ बिलियन डलर रहेको छ ।