काठमाडौं । सामसङ नेपालले एस२१ सिरिज नेपाली बजारमा ल्याएको छ । ग्यालेक्सी एस२१, एस२१प्लस र एस२१ अल्ट्राका सिरिजमा आधुनिक डिजाइन, इपिक प्रो ग्रेड क्यामरा, भिडियो र अहिलेसम्मकै शक्तिशाली प्रोसेसर राखिएको कम्पनीको भनाइ छ । सामसङ ग्यालेक्सी एस२१ र एस२१प्लसमाप्रो–ग्रेड क्यामरा छ । एस२१ अल्ट्रामा एडभान्स प्रो ग्रेड क्यामरा छ भने ६।८ इन्चको डिस्प्ले छ । यसमा आइ कम्फर्ट सिल्ड पनि छ। जसले आँखालाई थकान महशुस नहुने सामसङ मोबाइल नेपालका विजिनेस हेड प्रणय रत्न स्थापित बताउँछन् । फोनलाई ३० मिनेटमा ५० प्रतिशत चार्ज गर्न सकिन्छ ।

एस२१ अल्ट्रा फानटम ब्ल्याक र सिल्भर गरी दुई रंगहरुमा उपलब्ध छन् । ग्यालेक्सी एस२१प्लस फानटम ब्ल्याक, सिल्भर र भायोलेट रंगमा पाइन्छन्। त्यसैगरी, एस२१ फानटम ग्रे र भायोलेट रंगमा पाइन्छ । ग्राहकले एस२१ अल्ट्रा १२ जिबी ¥यामर२५६ जिबी रोममा, एस२१प्लस र स२१ ८ जिबी ¥यामर २५६ जिबी रोम क्षमतामा किन्न पाउँछन् । एस२१ अल्ट्रा, एस२१प्लस र एस२१ को मूल्य क्रमशः एक लाख ५४ हजार ९ सय ९९, एक लाख २९ हजार ९ सय ९९ र १ लाख ९ हजार ९९ रहेको छ । सामसङले यी सेटहरुको प्रि बुकिङ्ग शुक्रबारदेखि फेब्रुअरी ४ तारिखसम्म खुल्ला गरेको छ । नेपाल अधिराज्यभर रहेका मुख्य मोबाइल स्टोर, इकमर्स प्लाटफर्म जस्तै दराज, स्मार्ट डोको, सस्तोडिल, इसेवा आदिबाट गर्न सकिने व्यवस्था कम्पनीले गरेको छ ।