काठमाडौँ । नेपाल क्रेडिट एण्ड कमर्स बैंक लिमिटेडले लिलाम बढाबढ मार्फत बिक्रीमा ल्याएको संस्थापक समूहको शेयर बाँडफाँड भएको छ । बैंकले फागुन २ गते फागुन ९ गतेसम्म लिलाम बढाबढ मार्फत बिक्रीमा ल्याएको थियो ।

बैंकले न्युनतम मूल्य प्रति कित्ता १४० रूपैयाँमा २५ लाख कित्ता संस्थापक समूहको शेयरहरू लिलाम बढाबढ गरि बिक्री गरेको थियो । सोही शेयर बैंकले फागुन १४ गते, शुक्रबार बाँडफाँड गरेको हो ।

बाँडफाँडमा नपरेका तथा आंशिक बाँडफाँडमा परेका बोलपत्रदाताहरूको रकम भोलि फागुन १७ गतेदेखि रकमान्तर गरिने बैंकले जनाएको छ ।शेयर निष्काशन तथा बिक्री प्रबन्धकमा सनराइज क्यापिटल लिमिटेड रहेको छ ।