मुख्य खबर

युनिलिभर नेपालको आर्थिक वर्षको तेस्रो त्रैमाससम्ममा खुद नाफा ३२ करोडभन्दा बढी

  • आर्थिक प्लस संवाददाता

    २०७८ बैशाख ३० गते, बिहीबार ०९:५८ मा प्रकाशित

युनिलिभर नेपालले लाभांश वितरण गर्ने – Investing Nepal

काठमाडौं । युनिलिभर नेपालले चालू आर्थिक वर्षको तेस्रो त्रैमाससम्म रू ३२ करोड १६ लाख खुद नाफा गरेको छ । गत वर्ष यस अवधिसम्म रू ७ करोड ६३ लाख खुद नोक्सानीमा रहेको कम्पनीले यस वर्ष भने नाफा गर्न सफल भएको हो ।

यस वर्ष रू१ अर्ब ७४ करोड ३४ लाख कुल आम्दानी गरेको कम्पनीले रू १ अर्ब ३२ करोड ७८ लाख कुल खर्च गरेको छ । बस्तु विक्रीबाट यस वर्ष कम्पनीले रू १ अर्ब ७३ करोड ५३ लाख र अन्य श्रोतबाट रू। ८१ लाख आम्दानी गरेको वित्तीय विवरणमा उल्लेख छ ।

रू ९ करोड २१ लाख चुक्तापूँजी रहेको कम्पनीको जगेडा कोष रकम गत वर्षभन्दा २२ प्रतिशत बढी रू २ अर्ब ३६ करोड २२ लाख कायम भएको छ ।

कम्पनीको कुल सम्पत्ति गत वर्षभन्दा २० प्रतिशत बढी रू ४ अर्ब ३८ करोड ४८ लाख र कुल दायित्व गत वर्षभन्दा १९ प्रतिशत बढी रू १ अर्ब ९३ करोड ५ लाख छ । वार्षिक प्रतिशेयर आम्दानी रू ५६९ रहेको कम्पनीको प्रतिशेयर नेटवर्थ रू २ हजार ६६६ रहेको छ ।