सानिमा जनरल इन्स्योरेन्सको साधारण सभा जेठ ११ गतेलाई स्थगित
Thursday May 13, 2021
वि.सं.२०७८ वैशाख ३० बिहीवार ०९:५१
काठमाडौं । सानिमा जनरल इन्स्योरेन्सको तेस्रो वार्षिक साधारण सभा जेठ ११ गतेको लागि तय गरेको मा हाल आएर स्थगित भएको छ । कम्पनीको बैशाख २९ गतेको सञ्चालक समितिको बैठकले अर्को सुचना नभएसम्मको लागि स्थगित गर्ने निर्णय गरेको हो ।
यसै बर्ष सर्वसाधारणमा आईपीओ जारी गरेको सानिमा जनरल इन्स्योरेन्सले अम्रपाली ब्याङ्क्वेट, भाटभटेनी, काठमाडौंमा विहान १० स्३० बजे सभा गर्ने तयारी गरेको थियो ।
सभाले सर्वसाधारण शेयरधनीहरुको तर्फबाट दुई जना सञ्चालन निर्वाचन गर्ने कार्यक्रम समेत थियो । साधारण सभा प्रयोजनका लागि कम्पनीले बैशाख २९ गतेदेखिको बुक क्लोजको मिति भने यथावत रहने कम्पनीको भनाई छ । बुक क्लोजको आधारमा बैशाख २८ गतेसम्म कायम शेयरधनीहरु मात्र सभाभा भाग लिन योग्य हुनेछन् ।
