मुख्य खबर

आज ११ बजे सिईडिबि हाइड्रोपावरकाे आईपीओ बाँडफाँट हुने,कतिको हात रित्तो हुने निस्कियो हिसाब ?

  • आर्थिक प्लस संवाददाता

    २०७८ बैशाख ३१ गते, शुक्रबार १२:२६ मा प्रकाशित

 

काठमाडौं । बैशाख १७ गते देखि २१ गते सम्म सर्वसाधारणका लागी जारी गरेको सिईडिबि हाइड्रोपावर डेभलपमेन्ट कम्पनीले निष्काशन गरेको प्राथमिक शेयर (आईपीओ) बाँडफाँट हुने भएको छ । कम्पनीको शेयर निष्काशन तथा बिक्री प्रबन्धक सनराइज क्यापिटलको कार्यालयमा आज शुक्रबार ११ बजे आईपीओ बाँडफाँट हुने भएको हो ।

सर्वसाधारणका लागी जारी पूँजी ८३ करोड ९४ लाख १० हजार रुपैयाँको ३० प्रतिशतले हुने २५ करोड १८ लाख २३ हजार रुपैयाँ बराबरको २५ लाख १८ हजार २३० कित्ता साधारण शेयर निष्काशन गरेको थियो ।

त्यस मध्ये २ प्रतिशत अर्थात ५० हजार ३६५ कित्ता शेयर कर्मचारीहरुका लागि र ५ प्रतिशत अर्थात १ लाख २५ हजार ९११ कित्ता शेयर सामूहिक लगानी कोषलाई छुट्याएको छ भने बाँकी रहेको २३ लाख ४१ हजार ९५४ कित्ता शेयर सर्वसाधारणकाे लागि निष्काशनमा ल्याएकाे हाे ।

विक्री प्रबन्धक सनराइज क्यापिटलमा अनुसार १६ लाख ३७ हजार ६५९ वटा याेग्य आवेदनबाट २ करोड ४६ लाख ४५ हजार ७३५ कित्ता शेयर माग भएको छ । यो सर्वसाधारणलाई निष्काशन गरेको २३ लाख ४१ हजार ९५४ कित्ताको १०.५२ गुणा बढी हो ।

कम्पनीको शेयरमा माग भन्दा बढी आवेदन परेकोले धितोपत्र निष्काशन तथा बाँडफाँट निर्देशिका अनुसार न्युनतम १० कित्ता दरले शेयर वितरण हुनेछ । त्यस अनुसार २ लाख ३४ हजार १९५ जनाले मात्रै न्युनतम १० कित्ताका दरले शेयर पाउनेछ । बाँकी १४ लाख ३ हजार ४६४ जना आवेदकको हात खाली हुने देखिन्छ ।