काठमाडौँ । आज (बिहीबार) पनि सेयर बजारको उकालो यात्रामा निरन्तरता देखिएको छ । नेपाल स्टक एक्सचेञ्जका आज (बिहीबार) सेयर कारोबार मापक नेप्से परिसूचक २।७० अंकले बढेर २८१९.६५ मा पुगेको छ । नेप्से ०.१० प्रतिशतले बढेको हो । यस्तै सेन्सेटिभ परिसूचक १.९३ अंकले बढेर ५३०.०२ मा पुगेको छ ।

कूल २२८ वटा कम्पनीको एक करोड ५७ लाख १४ हजार २ सय ६६ कित्ता सेयर खरिदबिक्री हुँदा ७ अर्ब ७२ करोड ६३ लाख ७१ हजार २९ रुपैयाँको कारोबार भएको नेप्सेले जनाएको छ ।

त्यसैगरी, स्टकका अनुसार कारोबार भएका कूल १३ उपसमूहमध्ये बैंक र फाइनान्सबाहेक बाँकी ११ वटा उपसमूहको सूचक घटेको छ ।