काठमाडौं । माछापुच्छ्रे बैंकले पुरानो लाभांश बुझिलिन सेयरधनीलाई आग्रह गरेको छ । कम्पनीले एक सूचना जारी गर्दै आर्थिक वर्ष २०७३/७४ पछिको नगद लाभांश लिन बाँकी रहेका सेयरधनीहरूलाई रकम लिन आग्रह गरेको हो ।

आर्थिक वर्ष ०७३/७४ को ६ प्रतिशत, ०७४/७५ को १० प्रतिशत, ०७५/७६ को ११ प्रतिशत र ०७६/७७ को ३.३७ प्रतिशतले बाकि रहेको लाभांस लिन आग्रह गरेको छ ।

यस्तै, बैंकले अहिलेसम्म नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न पनि भनेको छ ।

खाता अपडेट गरेपछि मात्र नगद लाभांश पाइने बैंकले जनाएको छ । नगद लाभांश लिन जाँदा सेयर प्रमाणपत्र वा डिम्याट खाता नम्बरका साथै परिचयपत्र बोक्नुपर्नेछ ।