काठमाडौं, असार ३०। नेपाल बीमा प्राधिकरणका अध्यक्ष चन्द्रकला पौडेलले लिवर्टी माइक्रो लाइफ इन्स्योरेन्स लिमिटेडका सञ्चालक समितिका नवनियुक्त अध्यक्ष पुण्यप्रसाद पराजुली तथा प्रोटेक्टिभ माइक्रो इन्स्योरेन्स लिमिटेडका सञ्चालक समितिका नवनियुक्त अध्यक्ष बेगम के.सी.लाई पद तथा गोपनीयताको शपथ गराएकी छन्।

मंगलबार प्राधिकरणको केन्द्रीय कार्यालय, कुपण्डोलमा आयोजित कार्यक्रममा अध्यक्ष पौडेलले दुवै कम्पनीका नवनियुक्त अध्यक्षलाई शपथ गराएकी हुन्।

शपथ ग्रहण कार्यक्रममा नेपाल बीमा प्राधिकरणका कार्यकारी निर्देशक सुशील देव सुवेदी तथा दुवै माइक्रो इन्स्योरेन्स कम्पनीका पदाधिकारीहरूको उपस्थिति रहेको थियो।

नेपाल बीमा प्राधिकरणले दुवै नवनियुक्त अध्यक्षलाई सफल कार्यकालको शुभकामना व्यक्त गर्दै माइक्रो इन्स्योरेन्स क्षेत्रको विकास र सेवाको विस्तारमा प्रभावकारी भूमिका निर्वाह गर्ने विश्वास व्यक्त गरेको छ।