काठमाडौं । पञ्चकन्या ग्रुपको आफ्नो ५०औं वार्षिकोत्सवको अवसरमा भाद्र २३ र २४ गते दन्त शिविर सम्पन्न गरेको छ । ग्रुपको केन्द्रीय कार्यालयमा ‘सहयात्री नेपाल’को सहयोगमा दन्त शिविरको आयोजना गरिएको हो । उक्त शिविरमा “सहयात्री नेपाल”बाट डाक्टर र प्राविधिक गरी जम्मा ११ जना जनशक्तिबाट ग्रुपमा कार्यरत १५६ जना कर्मचारीहरुको दाँतको चेकजाँच, दन्त सर–सफाई, औषधी वितरण, आवश्यक परामर्श उपलब्ध भएको कम्पनीले जनाएको छ । सोही संस्थाले पञ्चकन्या ग्रुपको कारखाना कार्यालय, भैरहवामा समेत भाद्र १२ देखि १६ गतेसम्म दन्त शिविर आयोजना गरेको थियो । पञ्चकन्या ग्रुपले आफ्नो सामाजिक उत्तरदायित्व अन्तर्गत वार्षिक रुपमा यस्ता प्रकारका सामाजिक कार्यक्रमहरु निरन्तर गर्दै आएको छ ।