काठमाडौं । समृद्धि फाइनान्स कम्पनी लिमिटेडले २१ औँ बार्षिक साधारण सभा आज सम्पन्न गरेको छ । सभा कम्पनीको प्रधान कार्यालय रहेको हेटौंडा, मकवानपुरको होटेल एभोकाडो “अर्किड रिसोर्ट” मा सञ्चालक समितिका अध्यक्ष ठाकुर प्रसाद भट्टराईकोे अध्यक्षतामा सम्पन्न गरेको हो ।

सभामा सञ्चालक समितिको तर्फबाट प्रस्तुत हुने अघिल्लो आ.व.को वार्षिक प्रतिवेदन पारित गर्ने, वासलात, नाफा नोक्सान र नगद प्रवाह विवरण माथि छलफल गर्ने, आ.व. २०७९÷८० लागि बाह्य लेखापरिक्षक नियुक्ति गर्ने लगायतका एजेन्डाहरुमा छलफल भएको थियो ।

साथै, सञ्चालक समितिको लागि संस्थापक समुह तर्फबाट १ (एक) जना र सर्वसाधारण समुह तर्फबाट १ (एक) जना संचालकको निर्वाचन भएको हुँदा संस्थापक समुह बाट श्री सुदिप घिमिरे र सर्वसाधारण समुहबाट श्रीमति दुर्गा थापा निर्वाचित हुनुभएको छ ।

साधारण सभामा अध्यक्षले सञ्चालक समितिको वार्षिक प्रतिवेदन प्रस्तुत गर्नुभएको थियो । उक्त प्रतिवेदन उपर सहभागी भएका सेयरधनीहरुबाट सल्लाह, सुझाव र जिज्ञासाहरुलाई सञ्चालक समितिका अध्यक्ष र प्रमुख कार्यकारी अधिकृतले स्पष्ट पार्नुभएको थियो ।