काठमाडौँ । सेयर बजार मापक नेप्से परिसूचक बुधबार दोहोरो अंकले घटेको छ।

आज नेप्से १५.७६ अंकले घटेर १९ सय ३३.२९ मा झरेको हो। गएको सोमबार २२ अंकले बढेको नेप्से हिजो मंगलबार भने सार्वजनिक बिदाका कारण बन्द थियो।

बुधबार २६६ कम्पनीका एक अर्ब ३३ करोड ३७ लाख १९ हजार ९२९ रुपैयाँबराबरको ३७ लाख ७७ हजार ४०० कित्ता सयर किनबेच भएको छ। आज १३ वटै उपसमूहको समूहगत सूचक ओरालो लागेको छ। उत्पादन तथा प्रशोधन उपसमूहको समूहगत सूचक सर्वाधिक १.८७ प्रतिशतले ओरालो लागेको छ।

मायाखोला हाइड्रोपावर कम्पनीको सेयर मूल्य ९.९८ प्रतिशतले बढेर प्रतिकित्ता २९२ रुपैयाँ कायम भएको छ। बोटलर्स नेपाल (तराई)को सेयर मूल्य प्रतिकित्ता ९६८ रुपैयाँले घटेर ११ हजार ७३२ रुपैयाँ कायम भएको छ।