काठमाडौ । नेकपा एमालेका अध्यक्ष केपी शर्मा ओलीले सत्तामा भएका पार्र्टीका कार्यकर्ताले आफ्नाविरुद्ध हरेक ठाउँमा ढुंगा हानेर बाटो छेक्दै उदण्डता मच्चाएको आरोप लगाएका छन् ।

आईतबार अखिल नेपाल किसान महासंघको ७३ औ स्थापना दिवस कार्यक्रममा अध्यक्ष ओलीले अराजनीतिक व्यक्तिले हमला गर्ने, पहिचानको राजनीतिक गर्ने भनेर अराजनीतिक क्रियाकलाप गर्ने, ढुंगामुढा जस्ता अराजक गतिविधि गरि उदण्डतामा लागेको टिप्पणी गरे ।

उनले भने , सत्तामा हुने पार्र्टीका कार्यकर्ता आफ्नाविरुद्ध हरेक ठाउँमा रुख ढाल्ने, ढुंगा हानेर बाटो छेक्ने उदण्डतामा लागेको भन्दै अराजकता मच्चाउदा पनि सरकार चुप लागेको छ । ’

राजतन्त्र भनेको कि स्वार्र्थी फटाहाले मान्छ, कि मुर्खले मान्छ र कोही कोही अज्ञानीले पनि मान्छन’, ओलीको भनाइ थियो । उनले झापा र तेह्रथुम लगायतका स्थानमा आफु जाँदा आक्रमण गर्नेहरु पनि पूर्वराजा ज्ञानेन्द्र शाहका परिवार र सत्तारूढ दलका कार्यकर्ताको संलग्नता रहेको दावी गरे ।

कार्यक्रममा जाँदै गर्दा केही गुण्डा प्रवृत्ति, अराजनीतिक व्यक्तिले हमला गर्ने, पहिचानको राजनीतिक गर्ने भनेर अराजनीतिक क्रियाकलाप गर्ने, ढुंगामुढा गरे’, ओलीको भनाइ थियो ।

त्यस्तै उनले नेपालमा ६० प्रतिशत मानिस कृषिमा आधारित रहेको भन्दै पदमा नभई काममा प्रतिस्पर्धा गर्नु पर्ने आग्रह गरे । किसानको अगुवा काम, विचार र संगठन र पर्दा आन्दोलन गर्न सक्ने हुनुपर्ने तर्क गर्दै उनले बर्तमान अवस्थामा सहकारी अनुशासनमा नबसेकाले डुवेका धारणा पनि राखे ।