काठमाडौं । सिटिजन लाइफ इन्स्योरेन्स कम्पनी लिमिटेडले एकैदिन घातक रोग र मृत्यु बापतको बीमा दाबी भुक्तानी गरेको छ ।

कम्पनीको विजुवार शाखाले एक कार्यक्रमको आयोजना गर्दै घातक रोग बापत ९ लाख ५७ हजार र मृत्यु बापत १४ लाख रुपैयाँ बीमितहरुलाई हस्तान्तरण गरेको जनाएको छ ।

कम्पनीले प्युठान नगरपालिका २ साढेखोला निवासी स्तन क्यान्सर पीडित तुलसा कुवँरलाई र झिमरुक गाउँपालिका २ बादिकोटका एकजना मृतकका परिवारलाई मृत्यु बापतको दाबी भुक्तानी गरेको उल्लेख गरेको छ ।

कम्पनीले प्युठान नगरपालिका २ का वडाध्यक्ष मोहोन सिंह बिष्ट, वडा नं. ४ का वडाध्यक्ष रेशम कार्की, क्षेत्रिय शाखा प्रबन्धक लक्ष्मण मरासिनी तथा लिडरहरुका उपस्थितिमा उक्त रकम हस्तान्तरण गरेको विजुवार शाखा प्रमुख दिनेश कार्कीले जानकारी दिए ।

बीमित तुलसा कुवरले बिना झन्झट सिटिजन लाइफ इन्स्योरेन्स कम्पनीबाट प्राप्त रकमले उपचारमा धेरै आर्थीक सहयोग र हौसला प्राप्त भएको बताउँदै सिटिजन लाइफलाई धन्यवाद ज्ञापन गरिन् । साथै उनले उपस्थित समयमा नै बीमा गर्ने सल्लाह समेत दिइन् ।

 

कार्यक्रममा बोल्दै अध्यक्ष विष्टले आर्थिक जोखिमको सुरक्षाको लागि जीवन बीमा अपरिहार्य रहेकोले आफ्नो क्षमता अनुसारको बीमा गर्नुपर्ने बताए । साथै २ नं. वडावासीहरुलाई पनि बीमासम्बन्धी जनचेतना फैलाउने समेत अध्यक्ष बिष्टले भनाई राखेका थिए ।

त्यस्तै ४ नं. वडाध्यक्ष रेशम कार्कीले पनि बीमासम्बन्धी आर्थिक अवस्थामा बलियो रहेको थाहा भएको र गराएको बताउदै अबको समयमा न्युन अवस्थामा रहेको वडाबासीमा पनि बीमा सचेतना जगाउने बताए ।

कार्यक्रममा क्षेत्रीय शाखा प्रवन्धक लक्ष्मण मरासिनी, बिजुवार शाखा प्रबन्धक दिनेस कार्की, सिटिजन स्टार, एजेन्सी म्यानेजर लगायत अन्य एजेन्सीहरुको उपस्थिती रहेको थियो ।