म दोस्रो पटक निर्वाचित वडाध्यक्ष हुँ । दोस्रो कार्यकालका निर्वाचित भएको करिब २० महिना पूरा भइसकेको छ ।
यो दुई वर्षको अवधिमा पूूर्वाधारमा वडाले मात्रै नभएर बूढानीलककण्ठ नगरले धेरै काम गरेको छ । वडा नम्बर १२ को हकमा वडाले पूर्वाधार निर्माण गर्ने र मेलम्चीले भत्काउने काम भइरहेको छ । जसका कारण बिगे्रको र भत्केको Aजस वडाले लिनुपरेको छ ।

भौतिक पूर्वाधारको रुपमा वडा नम्बर १०,११ र १२ वडामा समस्याको रुपमा रहेको खहरेलाई अहिले आनी गुम्बादेखि आरम्भ चोकसम्म कल्भर्ट हाल्ने काम भइरहेको छ । यद्यपि यो ठेक्का लगाएको तेस्रो वर्ष भयो । निर्माण व्यसायीयका कारणले निर्माणमा ढिलाइ भइरहेको छ ।

माथिल्लो निकायबाट निर्माणधीन यस्ता योजनामा पटक–पटक निर्माण अवधि थप्ने चलन छ । यसरी निर्माण अवधि थप हुँदा उनीहरुलाई के फाइदा हुन्छ थाहा छैन ।

स्थानीय जनप्रतिनिधि भएका नाताले हामी जनताले चाँडै सेवा पाऊन भन्ने चाहन्छौँ । तर, केन्द्रले समयावधि थप्दै लैजानाले स्थानीय जनप्रतिनिधिले गाली खानुपर्ने अवस्था छ ।

आनी गुम्बादेखि आरम्भ चोकसम्मको खहरेमा कल्भर्ट हाल्ने काम उपत्यका प्राधिकरणले २०७७ मा तत्कालीन प्रधानमन्त्री केपी शर्मा ओलीको सल्लाहकार राजन भट्टराईको पहलामा बजेट विनियोजन गराएर सञ्चालित योजना हो ।

२९ करोडको ठेक्काको योजना साढे ३ वर्षयता चलिरहेको छ । यसको श्रेय नेकपा एमालेको तत्कालीन सरकारको नेतृत्व र नेकपा एमालेका यस क्षेत्रका उम्मेद्वार राजन भट्टराईलाई जान्छ ।

भट्टराईले भंगालको सुन्दर बजारमा पनि केही काम अघि बढेको छ । यस्तै, राजन भट्टराईकै पहलमा जनतालाई छारो हिलो, धूलो र महिलोबाट कसरी बचाउने भनी साततलेदेखि आरम्भ चोकसम्म एउट डिपीआर तयार पारेका छौँ । तर, त्यो काम महानगरपालिका र उपत्यका प्राधिकरणबीच द्वन्द्व बढेर हुन सकेको छैन ।

 

भट्टराई चुनाव हारे पनि यस क्षेत्रको विकासका लागि निरन्तर लागिरहनुभएको छ । तर, प्रतिनिधिसभाको निर्वाचनमा जसले जितेर नेतृत्व गरिरहनुभएको छ । उहाँले वडासँग समन्वय गर्नुभएको छैन ।

खहरे खोला व्यवस्थापन गर्नेबारे २०७० सालयता लागिपरेका छौँ । यसलाई कसरी व्यवस्थित गर्ने भन्नेबारे निरन्तर अभियानकै रुपमा छौँ । खहरेमा कल्भर्ट बनाउन वडाले हिजो आवश्यक बजेटका लागि प्रदेश र केन्द्र सरकारसँग समन्वय गरेको छ ।

तर, अहिले माथिल्लो निकायले हेर्दैन । कल्भर्ट निर्माणको जिम्मेवारी वडाको मातहत नभए पनि आमजनताले वडाले किन व्यवस्था ग¥यो भनी प्रश्न गर्छन् ।

हिजो स्थानीय तह कार्यान्वयनका क्रममा सिंहदरबार वडामा भनियो । आनी गुम्बादेखि बग्ने खहरेलाई उदाहरणका रुपमा लिने हो भने यसको अपजस सबै वडा र पालिकाले व्यहोर्नुपरेको छ । वडामा सिंहदरबार भनिए पनि अझै वडाले सिंहदरबारको अधिकार पाएका छैनन् । बरु त्यसलाई खुम्च्याउने काम भइहरेको छ ।

हामीले पाँच वर्षदेखि फोहोरमैला व्यवस्थापनमा लागि परेका छौँ । तर, व्यवस्थापन गर्न सकेका छैनौँ । कानुनी रुपमा हेर्ने हो भने स्थानीय सरकार सञ्चालन ऐनमा फोहोरमैलाको व्यवस्थपनको अधिकार स्थानीय तहलाई छ । नगरको १७ औँ बैठकले पनि निर्णय गरिएको छ ।

 

यही फोहोरमैला व्यवस्थापनमा हामीले एउटा ठेक्का लगाएका छौँ । तर, हाम्रो नगरपालिका तथा केन्द्रले पनि वडाध्यक्षको अधिकार यो हो र भनी प्रश्न गर्छन् । सामान्य चिठीपत्र आदनप्रदान गर्न पनि हिचकिचाहट गर्ने अवस्था छ । माथि बसेकाले अधिकार दिन नचाहँदोरहेछ । अधिकार लिन संघर्ष गर्नुपर्दोरहेछ । अधिकार भनेको खोस्न सके मात्रै पाइनेरहेछ ।

नगरपालिकामा १९ वटा सामुदायिक र १२२ वटा निजी विद्यालय छन् । वडा नम्बर १२ मा भने एउटा मात्रै सामुदायिक विद्यालय छ । नगरले शैक्षिक उन्नयन वर्ष भनेर पनि अघि बढेको छ । ज्येष्ठ नागरिकको हकमा जतिसक्दो सहुलियत दिएका छौँ ।

वडाका विद्यालय तहमा आर्थिक अभावका कारण अध्ययन गर्न नसक्नेहरुलाई छात्रवृत्ति र निःशुल्क अध्ययनको व्यवस्था गरिएको छ ।

जनशक्ति पलायनबारे स्थानीय तहभन्दा माथिल्लो निकायले गम्भीर भएर सोच्नुपर्छ ।

मेरो वडाले दिनमा १० जनालाई सम्म सिफारिस बनाउँछ । बूनपा र ६,७४३ वडाबाट कति होलान् । हामी चाहन्छौँ यो जनशक्ति रोकियोस् । रोजगारी सिर्जना होस् । हामीले जसरी यस विषयमा राज्यले पनि सोचोस् ।

(बूनपा –१२ का अध्यक्षसँग गरिएको कुराकानीका आधारमा)