काठमाडौं । नेपाली बीमा क्षेत्रमा लामो समय बिताएका चर्चित बीमा प्रशासक केबी (कृष्ण बहादुर) बस्नेतको ८४ वर्षको उमेरमा आज विहान ११ः३० बजे दुखद निधन भएको छ । केही समयदेखि पेट सम्बन्धी रोगले बिरामी रहेका बस्नेतको आज निधन भएको हो । उहाँको पार्थिव शरीरलाई अहिले पशुपति आर्यघाटमा अन्तिम संस्कार भइरहेको छ ।

नेपाली बीमा जगतमा बस्नेतलाई आईडल व्यक्तित्वको रुपमा लिने गरिन्छ । नेपालमा बीमा कम्पनीको अभावमा भारतीय कम्पनी दि ओरियन्टल कम्पनीको शाखा भित्राउन महत्ववपूर्ण भूमिका निर्वाह गरेका थिए । पछिल्लो समय सगरमाथा इन्स्योरेन्स कम्पनीको सिईओबाट अवकास पाएपछि रिटायर्ड लाइफ बिताइरहेका थिए ।

बस्न्यातले सिद्धार्थ इन्स्योरेन्स कम्पनी स्थापनामा महत्वपूर्ण भूमिका निर्वाह गरेका थिए । त्यस्तै, युनाइटेड इन्स्योरेन्स कम्पनी र सगरमाथा इन्स्योरेन्स कम्पनीलाई अब्बल बनाउन ऐतिहासिक भूमिका निर्वाह गरेका थिए । नेपालमा मात्रै नभई भारतमा समेत पुगेर बीमा क्षेत्रमा काम गरेका बस्न्यात पछिल्लो समय लेखपढमा व्यस्त थिए ।
स्वर्गीय बस्न्यातका दुई छोरा र एक छोरी रहेका छन् । ललितपुरको मानभवनमा जन्मिनु भएका स्व. बस्नेतकी धर्मपत्नीको यसअघि नै निधन भइसकेको छ ।