काठमाडौं । नेपाल माइक्रो इन्स्योरेन्स कम्पनी लिमिटेड र कामना सेवा विकास बैंकबीच सहकार्यका लागि द्विपक्षीय समझदारीपत्रमा हस्ताक्षर भएको छ।

आइतबार ज्ञानेश्वरस्थित कामना सेवा विकास बैंकको कार्यालयमा आयोजित एक कार्यक्रममा नेपाल माइक्रो इन्स्योरेन्स कम्पनीका प्रमुख कार्यकारी अधिकृत मृगेन्द्र रिमाल र कामना सेवा विकास बैंकको तर्फबाट नायब महाप्रबन्धक हरिप्रसाद लम्सालले समझदारीपत्रमा हस्ताक्षर गरेका हुन्।

यो सहकार्य नेपाल माइक्रो इन्स्योरेन्सको व्यवसाय विस्तारमा कोशेढुङ्गा साबित हुने विश्वास कम्पनीले लिएको छ। कार्यक्रममा नेपाल माइक्रो इन्स्योरेन्स कम्पनीका नायव प्रमुख कार्यकारी अधिकृत अनिल राज गिरीको समेत उपस्थिति रहेको थियो।