काठमाण्डौ । सन नेपाल लाइफ इन्स्योरेन्स कम्पनी लिमिटेडले कर्पोरेट कार्यालय लगायत देशभरिका शाखा कार्यालयहरूमा “सम्पत्ती शुद्धीकरण निवारण राष्ट्रिय दिवस” को अवसरमा एक विशेष अभिमुखिकरण कार्यक्रम सम्पन्न गरेको छ।

यस कार्यक्रमको प्रमुख उद्देश्य सम्पत्ती शुद्धीकरण र आतङ्कवादी क्रियाकलापमा वित्तीय लगानी निवारणको महत्त्वबारे कर्मचारीहरूलाई सचेत गराउनु थियो। कार्यक्रममा कम्पनीका कार्यान्वयन अधिकृत श्री रन्जु लम्सालले सम्पत्ती शुद्धीकरण र त्यसको अर्थतन्त्र तथा बीमा क्षेत्रमा पर्ने प्रभावका बारेमा विस्तृत प्रस्तुतीकरण गरे।

कम्पनीका प्रमुख कार्यकारी अधिकृत श्री राज कुमार अर्यालले कार्यक्रममा सहभागी कर्मचारीहरूलाई सम्पत्ती शुद्धीकरणको निवारण र यसका लागि आवश्यक कदमहरूको महत्त्वको बारेमा जानकारी गराउँदै, यस क्षेत्रमा बीमा कम्पनीहरूको भूमिका र जिम्मेवारीलाई जोड दिएका थिए।

कार्यक्रमको पहिलो चरणमा कर्पोरेट कार्यालयका उच्च व्यवस्थापन कर्मचारीहरूलाई प्रशिक्षण दिइएको थियो, भने दोस्रो चरणमा प्रदेश शाखा र उपशाखा कार्यालयका कर्मचारीहरूलाई भर्चुअल माध्यमबाट सहभागी गराइयो।

यस कार्यक्रमको आयोजनाले सम्पत्ती शुद्धीकरण र आतङ्कवादी गतिविधिहरूसँग जुझ्नको लागि कम्पनीको प्रतिबद्धता र जिम्मेवारीलाई बलियो बनाएको छ।