काठमाडौं । प्रेस चौतारी नेपालको ललितपुर शाखाले पत्रकार विष्णु घिमिरे ‘कल्पित’लाई क्रियाशील पत्रकारिता पुरस्कार प्रदान गरेको छ ।
बिहीबार प्रेस चौतारी नेपाल ललितपुर शाखाको छैटौं जिल्ला अधिवेशनका क्रममा घिमिरेलाई उक्त पुरस्कार प्रदान गरिएको हो । पूर्वमन्त्री एवम नेकपा एमालेका उपमहासचिव प्रदिप ज्ञवाली र प्रेस चौतारीका ललितपुर अध्यक्ष बाल मुकुन्द आचार्यलगायतले संयुक्त रुपमा उक्त पुरस्कार प्रदान गरेका हुन् ।

तीन दशकदेखि टेलिभिजन क्यामेरा पर्सन तथा संवाददाताको रुपमा सक्रिय घिमिरेले नेपाल वान टेलिभिजनबाट सञ्चार यात्रा शुरु गरेका थिए ।
२५ भन्दा बढी देशका साथै विश्वका चर्चित टेलिभिजनहरुमा काम गरेर अनुभव बटुलेका उनले बीबीसी, सिएनएन, जर्मन टिभी, अल जजिरा, च्यानल न्यूजलगायतमा स्वतन्त्र पत्रकारका रुपमा काम गरिसकेका छन् ।

घिमिरेलाई प्रेस चौतारी नेपाल, ललितपुर जिल्ला समितिको छैटौं जिल्ला अधिवेशनको अवसरमा क्रियाशिल पत्रकारिता पुरस्कार प्रदान गरेको हो ।

पत्रकारिता क्षेत्रमार्फत जिल्लाको पहिचान स्थापित गराएको साथै पत्रकारिताको क्षेत्रमा गरेको योगदानको उच्च सम्मान गर्दै उक्त पुरस्कार प्रदान गरिएको आयोजकले जनाएको छ ।